O Cisne xogarase o ascenso a División de Honra Prata na casa
Por Diego Espiño
O Pavillón Municipal dos Deportes de Pontevedra acollerá un dos tres sectores da fase de ascenso de Primeiro Nacional.
O Club Cisne Balonmán xogará pois en busca dun histórico ascenso á División de Honra Prata coa vantaxe de facelo na casa, despois de que a Federación Española de Balonmán confirmase este luns as sedes e composición dos tres grupos.
Na cidade de Lérez, ademais do Cisne, pelexarán polo salto de categoría o BM Carabanchel (campión do Grupo B), PAN Moguer (segundo do Grupo F) e o Elda (segundo do Grupo E).
Trátase dun grupo "que no está mal" segundo Santi Picallo, presidente do club pontevedrés, toda vez que como campión só podía emparellarse con outro primeiro e "nos hemos librado de los catalanes y los vascos", sinala o dirixente.
Con todo Picallo valora ao Carabanchel, no que xoga o ex-cineísta Pablo Galiano, como "un equipo muy joven que está trabajando muy bien" e ao PAN Moguer como "un segundo clasificado muy duro", polo que augura unha disputada competición.
O Cisne partirá coa ilusión de realizar un bo papel ante os seus, e xa pensa en facilitar a asistencia ao Municipal dos seus seguidores nunha fase de ascenso que se xogará entre os días 15 e 17 de maio co sistema de liguiña, na que ascenderá o primeiro clasificado de cada grupo.
En canto aos outros dous sectores, un deles disputarase no Rosal co Atlético Novás como anfitrión ante Eibar e Granollers, mentres o Grupo III con sede en Ciudad Real enfrontará a Alarcos, Elche e Santa Martín-Adrianec.
Relacionadas:
-
Un soño feito realidade: o Cisne fai pleno, imponse ao BM Elda (27-25) e consegue o ascenso
Por Ramiro Espiño & Diego Torrado |
-
Da man de Álex Chan o Cisne acaricia o ascenso tras impoñerse (33-31) ao BM Carabanchel
Por Ramiro Espiño & Diego Torrado |
-
Este Cisne vai en serio; imponse con autoridade ao PAN Moguer (31-24)
Por Ramiro Espiño & Daniel Santomé |
-
Santi Picallo, ante a fase de ascenso do Cisne: "Esperemos que la gente responda"
Por Redacción |
-
O Cisne publica o prezo de abonos e entradas para a fase de ascenso
Por Redacción |
-
O Cisne reláxase pensando no play-off e déixase soprender (27-29) polo Luceros
Por Redacción |
-
Unha mala arbitraxe axuda ao Seis do Nadal a desfacerse (26-25) do Cisne
Por Redacción |
-
Campións! O Cisne sentencia a liga regular ao impoñerse con comodidade (34-22) ao BM Ártabro
Por Ramiro Espiño |