Bronces para Katia Calvar e Lúa Piñeiro no Open de París de taekwondo
Por Redacción
Bos resultados para a representación galega no Open de París de taekwondo.
Lúa Piñeiro e Katia Calvar lograron senllos bronces na categoría de -67 quilos tras protagonizar un gran torneo.
Katia gañou no primeiro cruzamento á croata Matea Jelie por un apertado 10-9, mentres que en cuartos de final deixou no camiño á exipcia Seham Elsawalhy (2-1). A pontevedresa só cedeu na semifinal contra a canadense Melissa Pagnota (13-7).
Pola súa banda Lúa Piñeiro segue sumando puntos no ranking no seu ambicioso obxectivo de clasificarse para Río 2016. A deportista caldense quedou exenta en París do primeiro combate, superando no segundo á croata Jelena Jureta (1-8).
En semifinais Lúa perdeu ante a campioa do mundo e número un do ranking, a francesa Haby Niare, nun apertado enfrontamento que se decidiu no punto de ouro (3-2).
Pola súa banda o taekwondista do Mace Sport Xian Silva non tivo fortuna en -74 quilos e despediuse en primeira rolda ao caer ante o croata Hrvoje Sep (4-11).
Relacionadas:
-
O Open de Grecia, parada dos taekwondistas pontevedreses
Por Redacción |
-
Lúa Piñeiro conquista en Turquía un novo bronce internacional, o terceiro en apenas oito días
Por Redacción |
-
Santi Malvar defende en Turquía a súa prata europea de parataekwondo
Por Redacción |
-
Bo papel de Mace Sport, Taekanart e Mat's no Campionato Galego Júnior de Taekwondo
Por Redacción |