Pontevedra será sede en 2015 do Campionato de España de Tríatlon Sprint e de Acuatlón
Por Diego Espiño
A aposta de Pontevedra polo tríatlon terá continuidade en 2015. Despois de acoller nos últimos anos unha proba da Copa de Europa, o Campionato de Europa, de España Absoluto ou o Mundial de Dúatlon, a cidade de Lérez será sede por primeira vez doutros dous campionatos nacionais, o de acuatlón e o de tríatlon en distancia Sprint.
Así o confirmou a Federación Española incluíndo á cidade de Lérez no calendario oficial da próxima tempada.
Desta forma Pontevedra volverá contar con competicións de alto nivel, celebrándose ambas as dúas durante a primeira quincena do mes de xuño.
Estes dous campionatos atraerán á cidade a un importante número de deportistas de diferentes puntos do estado, posto que contarán con carreiras en categoría Elite, Sub-23, Júnior, Cadete, Paratriatlón e Grupos de Idade.
No caso do Campionato de España de Tríatlon en distancia Sprint, a competición desenvolverase nun circuíto de 750 metros a nado, 20 quilómetros de ciclismo e 5 de carreira a pé, salvo na categoría cadete nas que as distancias se reducen (750 metros de natación, 10 quilómetros en bicicleta e 2,5 a pé).
Pola súa banda o acuatlón é unha disciplina que prescinde do tramo de ciclismo para centrarse na carreira e a natación. Neste caso as distancias serán de 2,5 quilómetros a pé no primeiro sector, 1 quilómetro de natación no segundo e un tramo final de novo a pé de 2,5 quilómetros.
En categoría cadete o acuatlón redúcese a 1,5 quilómetros, 500 metros e 1,5 quilómetros respectivamente.
Relacionadas:
-
Javier Gómez Noya encabeza a inscrición do Campionato de España de Tríatlon Sprint en Pontevedra
Por Diego Espiño |
-
Pontevedra aspirará ao Mundial de Dúatlon de 2016 e a un 'multimundial' de catro disciplinas para 2017 ou 2018
Por Alejandro Espiño |
-
A Federación Galega de Tríatlon inclúe a Pontevedra, Poio e Sanxenxo no seu calendario de 2015
Por Redacción |
-
Un medio Ironman, próximo paso na aposta de Pontevedra polo tríatlon
Por Alejandro Espiño |
-
Os mexicanos Roberto Abraham Castellanos e Adriana Barraza, triunfadores do Tríatlon Cidade de Pontevedra
Por Redacción |
-
Jaime Agulló: "Varios países dixéronnos que nunca estiveran nun Mundial do nivel que tivo o de Pontevedra"
Por Diego Espiño & Mónica Patxot |