Michael Jackson segue a ser o rei do pop
Por Diego Torrado
A sede de Afundación rexistrou unha magnífica entrada na noite deste sábado coa presenza de numerosos fans de Michael Jackson nas butacas do auditorio que querían lembrar ao seu ídolo en Michael's Legacy, o espectáculo que está considerado o mellor tributo ao cantante falecido en 2009 segundo o club de fans do rei do pop en España.
Ao ritmo dos seus temas máis coñecidos, catorce bailaríns da Jackson Dance Company acompañados por voces que reproducían con fidelidade as tonalidades do desaparecido artista fixeron vibrar a un público de moi diferentes idades que non deixou de corear temas como Bad ou Thriller.
A Jackson Dance Company ofreceu esta montaxe tributo en grandes recintos internacionais cunha escenografía moi coidada e gardando a esencia dos concertos do terceiro artista que máis discos vendeu na historia da música.
Relacionadas:
-
O musical que rende homenaxe a Michael Jackson regresa a Pontevedra
Por Alejandro Espiño |
-
Cinco espectáculos tributo a Queen, The Beatles, Michael Jackson e Mecano en Pontevedra
Por Redacción |
-
Doctor Queen, o espectáculo tributo á banda de Freddie Mercury, en febreiro en Pontevedra
Por Redacción |
-
Un tributo a Michael Jackson traerá a Pontevedra o espectáculo do rei do pop
Por Redacción |