O rock alternativo de Nada Surf brilla no Pazo da Cultura
Por Mónica Patxot
O Pazo da Cultura rexistrou unha magnífica entrada de público para a cita coa veterana banda norteamericana Nada Surf. O concerto atópase dentro do ciclo Sons Diversos, promovido pola Concellería de Cultura.
A banda, consolidada como cuarteto tras a incorporación do guitarrista Doug Gillard, presentou o seu novo álbum You Know Who You Are, que ofrece máis intensidade ao estilo power-pop deste grupo de rock alternativo.
O seu oitavo traballo discografico, publicado en marzo deste ano, conta con dez temas que tratan a angustia e a esperanza.
Nada Surf naceu en 1992 en Nova York co guitarrista Matthew Caws, o baixista Daniel Lorca e o batería Ira Elliot, cunha liña musical marcada pola vitalidade non exenta de nostalxia.
Relacionadas:
-
Guadi Galego convence ao público pontevedrés
Por Redacción |
-
As 'Lúas de outubro e agosto' de Guadi Galego, o 7 de maio no Teatro Principal
Por Alejandro Espiño |
-
Nada Surf: "Non caímos no erro de ter un son fixo. Hai grupos que acaban sendo caricaturas de si mesmos"
Por Alejandro Espiño |
-
O fenómeno fan volve a Pontevedra con Calum
Por Diego Torrado |