VÍDEO.- O Mercado de Abastos e o Parador acollerán concertos do Galegote Rock 2016
Por Mónica Patxot
O sábado 14 de maio será o día grande do Galegote Rock 2016, o evento musical que quere promover e normalizar a música en lingua galega e en vivo. Nesta ocasión, haberá máis actuacións en espazos públicos e en prazas da cidade.
Desta forma, os concertos desenvolveranse polos seguintes grupos e nestes lugares de Pontevedra durante esa xornada:
11.00 a 15.00 horas: O Xabarín de Bora actuará no Mercado de Abastos
12.00 horas: Tanto nos ten - Praza da Ferrería
12.30 horas: O cadelo lunático - Terraza da Sidrería Montañés
13.00 horas: Davide Salvado - Mercado de Abastos
13.00 horas: Expresión Contacontos "Canta Contos" - Pazo de Mugartegui
14.00 horas: Alley Stompers. Escola de Baile Lindy Hop - Cafetería Savoy
15.00 horas: Tatán Chapeu - Parador
16.00 horas: Mike Grelo e curmán - O Grifón
17.00 horas: Poetarras - O Diaño
18.00 horas: Sokram - Pequeño Karma
18.30 horas: Falabaratas, "Xoana sen medo" - Pazo de Mugarteugui
19.00 horas: Champurrada - Escaleiras do Teatro Principal
20.00 horas: Familia Caamagno - Cruceiro das cinco rúas
Durante toda a xornada van desenvolver xogos tradicionais para menores. O concelleiro Alberte Oubiña e o propietario da Sala Karma, Marcos Rivas, presentaron na praza da Peregrina a edición deste ano sinalando como novidades as actuacións no Mercado de Abastos e no Parador.
A presentación contou coa actuación de Roger de Flor e Arturo Delgado, que interpretaron tres temas ante a presenza dalgúns viandantes.
O xoves 12, Querido Extraño e Roger de Flor, actuarán no Pequeño Karma mentres que o venres 13, Santos Morcegos e Camarada Nimoy ofrecerán un concerto na Sala Karma. Ambos os recitais terán acceso libre. Serán o anticipo á ampla xornada musical do sábado.
Relacionadas:
-
A música en galego resoa en toda Pontevedra co Galegote Rock
Por Alejandro Espiño & Diego Torrado |
-
Davide Salvado: "O noso patrimonio parece que non está ben visto. Temos o auto odio incorporado no ADN"
Por Alejandro Espiño & Mónica Patxot |
-
Pistoletazo de saída ao Galegote Rock 2016
Por Mónica Patxot |
-
A Sétima Feira combínase co Galegote Rock este sábado no Mercado de Abastos
Por Redacción |
-
A brincar no Teucro con Víctor Aneiros, Narf, Caxade e Bagullas do Lérez
Por Alejandro Espiño |
-
Pontevedra soa a rock e a galego
Por Redacción |