Os irlandeses Delorentos actuarán no Surfing The Lérez
Por Diego Espiño
Un novo grupo pasa a engrosar a lista de confirmacións para o festival Surfing The Lérez, que se celebrará na Illa das Esculturas de Pontevedra o próximo 26 de setembro, despois de que o mal tempo obrigase á súa cancelación o 13 de xuño.
Os irlandeses Delorentos incluíron o festival pontevedrés na xira que realizarán por España durante os meses de setembro e outubro e que tamén lles levará a Lanzarote, Burgos, Hospitalet de L'infant, Barcelona, San Sebastián, Madrid, Sevilla, Granada e El Puerto de Santa María.
A de Pontevedra será a segunda das súas actuacións, na que presentarán o seu último disco 'Night Becomes Light'.
O cambio de data do festival fixo imposible conservar a totalidade do cartel, que a día de hoxe tamén ten confirmados a Ángel Stanich, Pasajero, Los Motores Rock de Vigo, Julián Maeso Grupo, Gold & Colt, A Banda do Terror e os DJs Sr. Fiuza e Charli_é DJ?
O Surfing The Lérez contará ademais co seu particular ambiente familiar e unha serie de actividades paralelas que estarán relacionadas coa gastronomía.
Relacionadas:
-
Neuman, LA, Guadalupe Plata, Helena Goch ou os pontevedreses Skirl e Qué desilusión!, en outono na Sala Karma
Por Alejandro Espiño |
-
O Surfing The Lérez xa ten nova data: o 26 de setembro
Por Redacción |
-
Suspendido o Surfing the Lérez ante a previsión de mal tempo; outubro, data máis probable
Por Redacción |