Catro persoas feridas nun accidente na rotonda de Cambados-Dena
Por Redacción
Catro persoas foron trasladas ao Hospital Quirón Saúde de Pontevedra ao sufrir danos nun accidente de tráfico que se rexistraba na mañá deste domingo 5 de maio na rotonda de Cambados-Dena, no municipio de Meaño.
Segundo informa o servizo de Emerxencias do Concello de Cambados que se trasladaba ata a zona para auxiliar ás persoas feridas nos dous vehículos implicados no impacto.
O condutor do Megane sufría dor lumbar e no BMW en que viaxaban cinco persoas, dúas resultaban ilesas, mentres que unha queixábase dun golpe na cara; outra presentaba unha ferida na cabeza e dor torácico e, por último, unha terceira persoa queixábase de dor lumbar, dorsal e nas cadeiras.
Segundo testemuñas presenciais, o Megane circulaba pola rotonda facendo un cambio de sentido. O BMW entrou na rotonda golpeándolle e, ao mesmo tempo, o vehículo saía despedido cara a un muro dunha propiedade privada causando diversos danos.
Ata o lugar acudían, ademais de integrantes de Emerxencias de Cambados, persoal de ambulancia do 061; Garda Civil de Tráfico, Emerxencias Sanxenxo e efectivos de Mantemento de Estradas.
Relacionadas:
-
Excarceran a condutora dun turismo nun accidente na Illa da Toxa
Por Redacción |
-
Dá positivo tras ser 'cazado' falando polo móbil e dando voltas a unha rotonda
Por Redacción |
-
Ferido mentres realizaba tarefas agrícolas cun motocultor en Vilanova
Por Redacción |
-
Sete vehículos implicados e unha persoa ferida nunha colisión múltiple na AP-9 en Portas
Por Natalia Puga | Creada e actualizada
-
Un octoxenario que circulaba en ciclomotor resulta ferido nun accidente en Cambados
Por Anxo Lourido |