Nacín en Vilanova de Arousa en 1969 aínda que dende hai máis de dez anos resido en Pontevedra. Estudei Maxisterio e Xeografía na Universidade de Santiago de Compostela e aprendín inglés na cidade irlandesa de Cork mentres realizaba o Programa Erasmus. Posteriormente, tras realizar un Máster de Urbanismo e Ordenación do Territorio na Universidade San Pablo CEU de Madrid, iniciei a miña vida laboral que se desenvolveu integramente na empresa Lidl, onde estiven durante os últimos vinte anos exercendo postos de dirección nos departamentos de Vendas e Expansión. Empecei a escribir na miña etapa de universitario e é algo que me acompaña dende ese momento. Gústame escribir sobre temas de actualidade política.