Educación suspende todas as actividades escolares no exterior polo temporal
Por Redacción
A Comisión Escolar de Alertas acaba de comunicar, ante a previsión dun fenómeno meteorolóxico adverso previsto para mañá martes, a suspensión de todas as actividades no exterior.
Polo momento as clases mantéñense en toda a provincia de Pontevedra.
A Consellería de Educación insta aos centros a que fagan un seguimento das condicións climáticas por se empeoran e nese caso estarían autorizados a suspender toda a actividade lectiva.
A Dirección Xeral de Emerxencias e Interior da Vicepresidencia e Consellería de Presidencia alerta dun temporal de nivel laranxa en Pontevedra, por vento do suroeste e oeste. Os refachos poderán superar os 100 km/h. nas Rías Baixas.
Ademais, aconséllase consultar a páxina web do CAE 112, que conta con información meteorolóxica e con enlaces de interese.