Folga indefinida dos avogados da quenda de oficio: "Somos unos esclavos"
Por Oskar Viéitez
Os avogados da quenda de oficio están en folga. Este martes 21 de novembro comezou un paro nacional de carácter indefinido ao incumprir o Goberno central o acordo alcanzado cos sindicatos para a constitución dunha mesa de traballo para abordar a situación do sector e negociar as súas reivindicacións.
A mesa de traballo acordouse o pasado mes de setembro e, polo momento, os traballadores da quenda de oficio non recibiron resposta. Esta situación empuxoulles, din, a volver aos paros dada a situación "dramática" na que se atopan.
"Somos unos esclavos", dicía unha das portavoces deste colectivo da avogacía nunha protesta levada a cabo este martes ás portas dos xulgados de Vilagarcía aproveitando a presenza de medios de comunicación por un xuízo por unha demanda de Laureano Oubiña contra a produtora da serie Fariña.
Entre as súas demandas destaca a regulación xurídica dos empregados da quenda de oficio, subidas de salario e melloras das xornadas laborais, limitación das súas funcións ás asignadas por lei, actualización da nómina conforme ao IPC, entre outros.
Este colectivo de profesionais da xustiza constituído por avogados e procuradores que prestan este servizo público esencial á cidadanía denuncia que está a atopar "verdadeiras dificultades para poder traballar nunhas condicións mínimas de dignidade".
Consideran por iso, "necesario que se recoñezan a estes profesionais os mesmos dereitos laborais e sociais básicos que ao resto dos cidadáns".
Así, piden unha regulación xurídica dos profesionais da quenda de oficio mediante unha norma legal independente que recoñeza Ios servizos e cotizacións con efectos retroactivos desde a data de adscripcion á quenda de oficio e que recolla e garanta os seus dereitos de conciliación, descanso e desconexión dixital nos mesmos termos que o resto de traballadores e con "retribucións dignas abonadas en tempo e forma" así como a retribución da totalidade das actuacións realizadas para as que foron designados e dos tempos de dispoñibilidade.
Tamén queren que se regule a distribución das cargas burocráticas, "que deben ser asumidas pola administración" e o recoñecemento da condición de autoridade "que nos protexa das agresións e abusos".
Relacionadas:
-
Victoria parcial de Laureano Oubiña sobre 'Fariña': deberán retirar unha escena de sexo que protagoniza
Por Natalia Puga |
-
Avogados recollen firmas contra normas dos xulgados herdadas da pandemia que "no estamos dispuestas a tolerar más"
Por Natalia Puga & Mónica Patxot |
-
A Plataforma 'Dignidade Avogacía Pontevedra' defende o dereito á folga ante o Fiscal Xefe de Pontevedra
Por Redacción |
-
Os avogados, en loita: "Somos unha peza fundamental da administración de xustiza e non se nos respecta como tal"
Por Natalia Puga & Mónica Patxot |
-
Avogados da quenda de oficio convocan unha concentración para visibilizar a súa protesta
Por Oskar Viéitez |
-
A Plataforma Dignidade da Avogacía de Pontevedra traslada as súas reivindicacións ao subdelegado do Goberno
Por Oskar Viéitez |
-
A quenda de oficio mantén a folga e estuda novas vías de protesta
Por Oskar Viéitez |
-
O Colexio de Avogados de Pontevedra apoia o dereito á folga da quenda de oficio
Por Natalia Puga |
-
A quenda de oficio mobilízase "por un exercicio da Avogacía digno"
Por Natalia Puga |
-
Concentración de avogados para reivindicar un pacto pola xustiza: "Hai moitos traballos que non cobramos"
Por Anxo Lourido |