Cortan a rúa Joaquín Costa para retirar unha uralita con risco de caída nun tellado
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/409/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/655b9715d4-whatsapp-image-2023-11-20-at-18.11.24.jpeg)
© PontevedraViva
![](/web/cache/scene/uploads/fotos/foto/a60/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/655b972873-whatsapp-image-2023-11-20-at-18.12.29.jpeg)
© PontevedraViva
A Policía Local de Pontevedra cortou na tarde deste luns a rúa Joaquín Costa para permitir que efectivos do Corpo de Bombeiros puidesen realizar con total seguridade unha intervención no tellado dun edificio.
Segundo a información facilitada polos bombeos, sobre as 17.20 horas recibiron unha chamada alertando de que había unha uralita a piques de caer, co consecuente risco para a seguridade cidadá.
A persoa que alertou reside nun edificio situado en fronte do que tiña a situación de perigo e viu o ocorrido. Tras a chamada, dúas dotacións dos Bombeiros de Pontevedra desprazáronse ata o lugar e comprobaron que só había unha uralita en risco de desprendemento.
Os bombeiros despregaron a escaleira aérea para chegar ata a zona do tellado e retirar a uralita.
A intervención prolongouse durante ao redor dunha hora.