Persoas con autismo farán a tarxeta de felicitación do Nadal do Concello de Moraña
Por Oskar Viéitez
O goberno local encargoulle aos usuarios da Asociación de Pais de Persoas co Trastorno do Espectro Autista de Centros de Apoio Familiar (Apacaf) o deseño e a elaboración da tarxeta de felicitación oficial de Nadal do Concello de Moraña, que se distribuirá por todos os domicilios durante as vindeiras festas.
A solicitude foi moi ben acollida polos membros deste centro de atención asistencial e anunciaron que estará lista en moi poucos días.
O alcalde de Moraña, Sito Gómez, destacou que "Apacaf fai un traballo espectacular a prol da integración e da inclusión social e estamos moi orgullosos de que estean en Moraña e de que teñan un centro de primeiro nivel para impulsar o desenvolvemento das persoas con TEA".
Sito Gómez manifestou que, desde o Concello, "imos seguir respaldando o seu labor ata o máximo das nosas posibilidades. Creo que o merecen e que é de xustiza", sinalou o alcalde.
Este encargo da tarxeta de Nadal fíxose este martes no transcurso dunha visita ás instalacións de Apacaf en Penagrande, na parroquia de Laxe, na que o alcalde anunciou a renovación da colaboración e as accións de apoio do Concello con esta asociación.
O rexedor acudiu xunto aos concelleiros Luisa Piñeiro e Alberto Caldas ata o centro de atención a persoas con TEA -un dos dous que ten o colectivo xunto co da parroquia estradense de Berres- para coñecer o recinto e departir coas responsables desta entidade e cos usuarios.
Así mesmo, mantivo unha reunión de traballo coa presidenta, María José Ferradáns, e con outras socias de Apacaf para coñecer as súas necesidades e recoller as súas demandas,
Relacionadas:
-
Programación chea de actividades en Moraña para vivir un Nadal divertido e familiar
Por Anxo Lourido |
-
Máis de 305.000 luces LED iluminan xa o Nadal de Caldas de Reis
Por Redacción |
-
Poio contará cun roupeiro municipal para axudar ás familias con dificultades
Por Redacción |
-
O Concello de Moraña di que o campo de fútbol de Mirallos estará en funcionamento para a vindeira tempada
Por Oskar Viéitez |
-
Piden á Deputación do PP que reactive unha obra en Moraña paralizada desde 2015 polo bipartito
Por Redacción |
-
Reactivan os obradoiros de prevención de condutas adictivas
Por Redacción |
-
Moraña logra o seu sétimo obradoiro de emprego e formará 20 persoas en Carpintaría de Madeira e Forestal
Por Redacción |