VÍDEO.- O temporal esnaquiza o campo de fútbol de Chan da Barcia: "É un desastre"
Por Diego Espiño
A imaxe dio todo. O campo de fútbol de Chan da Barcia, en Ponte Caldelas, quedou completamente inservible tras o temporal ocasionado pola borrasca Domingos e que azoutou con forza Galicia durante a madrugada deste sábado 4 de novembro.
O temporal provocou un desbordamento do río Verdugo como non se lembra na localidade, arrasando o céspede artificial da instalación deportiva.
"É un desastre", recoñece o presidente da SCD Ponte Caldelas, Pedro Rodríguez, un dos primeiros en acceder ao campo a primeira hora da mañá.
"Nunca pasou nada igual, hai uns anos levantouse unha esquina, pero foi pouca cousa, pero isto... a auga chegou mesmo aos vestiarios", explica abatido o dirixente.
Tamén o alcalde, Andrés Díaz, expresou a súa tristeza polo sucedido asegurando que "as perdas son incalculables. Que tristeza e ganas de chorar".
Os danos deixan nunha precaria situación a un club como a SCD Ponte Caldelas que actualmente conta con 12 equipos repartidos entre as diferentes categorías. Tres partidos esta fin de semana de feito tiveron xa que ser suspendidos. Polo menos "varios equipos xa nos ofreceron o seu campo", revela Rodríguez, que agradece o xesto e xa só pensa en "mirar cara adiante".
Relacionadas:
-
Renovar o campo de Chan de Barcia custará máis de 300.000 euros
Por Redacción |
-
Unha enchente de borrascas desbocadas marcaron o outono
Por Mónica Patxot & Cristina Saiz & Anxo Lourido |
-
SOS da SCD Ponte Caldelas: "Necesitamos da vosa axuda para poder seguir adiante"
Por Diego Espiño |
-
Un novo céspede artificial en Chan da Barcia cunha "drenaxe especial" para soportar futuras crecidas do Verdugo
Por Diego Espiño |
-
Domingos deixa numerosos troncos e ramas á deriva na ría de Pontevedra
Por Anxo Lourido & Cristina Saiz |
-
Tras o desastre, solidariedade: A Lama cede "por tempo indefinido" as súas instalacións á SCD Ponte Caldelas
Por Diego Espiño |
-
Ponte Caldelas pide axuda a Xunta e Deputación para afrontar os danos do temporal: "Sinto rabia e impotencia"
Por Diego Espiño |
-
O PP pide que se declare a Ponte Caldelas "zona catastrófica" tras o desbordamento do Verdugo
Por Redacción |
-
VÍDEO.- O paseo do Gafos, cortado pola crecida do río
Por Redacción |
-
A borrasca Domingos deixa un regueiro de pequenas incidencias na Boa Vila
Por Diego Espiño | Creada e actualizada