A previsión dunha nova fronte de vento e choiva obriga a cancelar o Samaín de Soutomaior
Por Redacción
As previsións meteorolóxicas para esta fin de semana levaron ao Concello de Soutomaior a tomar a decisión de cancelar a celebración da festa de Samaín organizada para este sábado 4 de novembro.
O Concello púxose en contacto con MeteoGalicia e os especialistas explicáronlles que o sábado entrará unha nova fronte cargada de fortes ventos e de chuvia.
A previsión, segundo informa o Concello a través dun comunicado, "claramente, imposibilita o desenvolvemento das actividades previstas para esta xornada".
O Samaín xa esta previsto inicialmente para a pasada fin de semana, o sábado 28 de outubro, pero o Concello decidira adiar a festa polo mal tempo e cambiala para o sábado día 4.
As previsións de mal tempo impiden, por exemplo, realizar actividades como o espectáculo de Hípica Celta, que non se pode levar a cabo nun espazo interior.
Dende o Concello piden á veciñanza que extremen as precaucións nestes días de temporal para evitar situacións de risco.