Os acusados de falsear datos de ITV de remolques eran coñecidos entre feirantes de toda España
Por Natalia Puga & Mónica Patxot
"Los compañeros me decían que él lo hacía". Fala un feirante de Barcelona que comprou un remolque sen documentación e necesitaba que alguén lle emitise unha tarxeta de ITV que lle permitise homologar e matricular o vehículo. Cando preguntou a outros feirantes, non o dubidaron, déronlle o contacto dos irmáns José Luis e Carlos L.L., chamounos, emitíronlle a documentación e enviáronlla por correo previo pagamento de entre 500 e 600 euros.
Este feirante declarou este mércores como testemuña no xuízo que quedou visto para sentenza na Audiencia Provincial de Pontevedra contra tres veciños de Pontevedra e Cotobade acusados dun delito de falsidade en documento oficial por falsificar tarxetas de ITV para homologar vehículos que construíran outras persoas ou que foran adquiridos no estranxeiro e necesitaban legalización en España facéndoos pasar por remolques ou camións construídos nas súas propias empresas pontevedresas. Durante os cinco anos que investigou a Garda Civil, atribúeselle que cometeron algún tipo de irregularidade en 297 vehículos de toda España, a maioría a feirantes.
Este mércores, na segunda sesión do xuízo, pasaron pola sala un ducia de cliente que compraron a estes acusados vehículos ou lle pagaron para que lle emitisen documentación para homologar os que eles xa tiña. A maioría deles era feirantes e aseguraron ao tribunal que o boca a boca fixera coñecidos aos irmáns José Luis e Carlos L.L. na profesión e todos sabían que había uns empresarios en Pontevedra que lles podían arranxar os papeis dos seus vehículos.
"Dí con ellos a través de un compañero. Me dijo que me lo hacían", relatou un dende Cataluña. Un cliente de Zaragoza explicou que no seu caso os papeis foron para un remolque construíulle unha empresa aragonesa, pero que tras facerlle o vehículo lle pedía 3.000 euros por darlle a ficha de ITV. Faláronlle dos irmáns pontevedreses, chamounos por teléfono (non pode concretar a quén deles), deulles os datos e chegoulle a documentación por correo tras pagarlles 500 euros. Asegura que "en aquel momento no sabía que no era legal".
Esta fama que gañaran os irmáns imputados neste procedemento xudicial xa puxérona de relevancia o martes axentes da Garda Civil que levaron a investigación. Na segunda sesión do xuízo acreditouno un feirante de Cataluña ao que axudaron a conseguir os papeis para un remolque comprado na República Checa ou un cliente galego que non se dedica ás atraccións de feira, senón que o que lle comprou un remolque construído por eles, pero sobre o que a Garda Civil tivo dúbidas sobre posibles irregularidades.
Un cliente galego, ao tribunal: "Una pregunta. ¿Y en qué situación estoy yo con el remolque?
Precisamente, este cliente protagonizou a anécdota do xuízo cando, rematada a súa declaración, pediu ao tribunal poder formular unha dúbida. "Una pregunta. ¿Y en qué situación estoy yo con el remolque?Estamos hablando de un remolque agrícola para andar por la aldea", formulou. A presidenta do tribunal recomendoulle que "vaya a Tráfico y se lo explican". A pregunta vén motivada porque no ano 2009 a Garda Civil retirou a documentación a 297 vehículos con algunha irregularidade e, dende entón, moitos seguen paralizados.
As testemuñas que declararon durante a última sesión do xuízo explicaron que uns deles trataron con José Luis L.L. e outros con Carlos L.L., mentres que algún simplemente falo con "los hermanos Leiro", pero se poder concretar con cal deles. A pesar de ser os seus clientes e facer negocios con eles, non os coñecen porque a práctica habitual era que todos os contactos se facían por teléfono e os papeis se enviaban por correo.
Moi poucos chegaron a ver a quen lle estaba homologado os vehículos, tan só aqueles que lle compraron a eles ou un cliente de Ciudad Real que lles pediu colaboración para homologar un remolque construído por el mesmo porque "nos salía más barato" tras decatarse da súa existencia "por oídos de otros feriantes". Un dos acusados (non pode precisar cal) desprazouse a Ciudad Real para tomar os datos do vehículo e logo envíolle por correo a matrícula e a documentación.
O fiscal mantivo a súa petición de seis anos de prisión e unha multa de 7.200 euros para José Luis L.L, e cinco anos de cárcere e unha multa de 6.000 para Carlos L.L. e a súa ex esposa, María José S.D.. Os avogados defensores dos tres pediron a súa absolución e o martes, ao inicio do xuízo, reclamaran a nulidade de todas as actuacións.
Relacionadas:
-
Condenan un empresario por falsear ITV de atraccións de feira e anulan todas as tarxetas que expediu
Por Oskar Viéitez |
-
Os acusados de trampear datos de ITV de camións e remolques chegaron a falsificar un circo enteiro, segundo a Garda Civil
Por Natalia Puga |
-
Xulgan tres persoas por dar licenzas falsas para remolques de feira
Por Oskar Viéitez |