Aprazado un xuízo por agresión sexual ao non poder declarar a vítima debido ao seu estado anímico
Por Oskar Viéitez
A Sección Segunda da Audiencia Provincial de Pontevedra tivo que aprazar ata o próximo 9 de novembro un xuízo por un delito de agresión sexual a unha menor de idade.
A vista oral tivo que suspenderse ao non poder declarar a vítima debido a que llo imposibilitaba o seu afectado estado anímico.
A moza comparecía por videoconferencia e tan só chegou a relatar, entre bágoas e coa voz entrecortada, que mantiveron relacións sexuais contra a súa vontade nun coche.
Si que declarou en sala o acusado que defendeu a súa inocencia rexeitando que mantivesen unha relación sexual e descartando o abuso sobre quen era amiga da súa irmá no momento dos feitos. Afirmou que a menor lle enviaba fotos íntimas e que era ela a que lle propoñía relacións pero que el sempre se negou.
O acusado esgrimiu na súa defensa que a menor "me dio a entender que era una chica mayor", pola forma "provocativa" de vestir e de actuar.
O xuízo volveuse a sinalar para o próximo 9 de novembro.
Relacionadas:
-
O acusado de abusar de tres menores rexeita "connotacións sexuais" nos seus "xogos"
Por Oskar Viéitez |
-
A Universidade pon en marcha un Punto Lila Virtual
Por Redacción |
-
Acepta unha condena de dous anos de cárcere por violar unha menor
Por Oskar Viéitez |
-
Chega a Caldas "Violencia Zero" para poñer o foco na relación entre mulleres e coidados
Por Redacción |
-
Ensinar os adolescentes a ter relacións afectivo-sexuais saudables prevé as violencias machistas
Por Oskar Viéitez |
-
A campaña contra as violencias machistas comezou polo alumnado do instituto de Poio
Por Redacción |