"Transporte escolar seguro, curso feliz" para os alumnos de Marín e Pontevedra
Por Redacción
Os escolares de Infantil e Primaria de Marín e Pontevedra protagonizaron a oitava edición do prongrama de formación en seguridade viaria 'Ponte a conducir', organizado pola FANPA, Policía Local de Poio, Garda Civil de Tráfico, DXT, Cruz Vermella Plataforma Galega de Seguridade viaria, Protección Cibil e a empresa Help Flash.
Ata 120 escolares de entre 3 e 12 anos participaron na xornada organizada no Parque Eguren de Marín, e que contou coa colaboración da Policía Local de Marín, Protección Civil de Marín, Concello, Deputación, Subdelegación do Goberno, Club Moteiro Golfiños, Club Pinarium e as empresas Monbus e El Corte Inglés.
Os nenos e nenas participantes participaron nun circuíto de karts con peóns e ciclistas, nas que se ensinaron normas básicas de circulación e mobilidade, nun obradoiro de primeiros auxilios de Cruz Vermella, nun obradoiro de bicicletas e nun concurso de debuxo sobre seguridade viaria.
Ademais gozaron dunha exposición de vehículos e medios de atención da Policía Local de Marín, Protección Civil de Marín, Cruz Vermella e a Garda Civil de Tráfico, e as familias recibiron charlas de seguridade viaria centradas no uso seguro do transporte escolar, con clases prácticas de como subir e baixar aos autobuses de forma segura así como a colocación dos sistemas de retención, e é que tal e como rezaba o lema da xornada "transporte escolar seguro, curso feliz".
Participaron na xornada escolares do CEIP O Sequelo, CPR La Inmaculada, CEIP A Laxe, CEIP Carballal, EEI O Grupo, Sagrado Corazón de Praceres, SEI San Narciso, CEIP Seixo, CEIP de Ardán, EEI Crespo Rivas, CEIP A Xunqueira I, CEIP Cabanas, CEIP Vilaverde, CEIP Campolongo, CEIP A Carballeira, CEIP Manuel Vidal Portela e CEIP San Bieito de Lérez.