O rei emérito, a bordo do Bribón 500

E a próxima semana… veñen os reis!

Por Oskar Viéitez
Sábado 23 de Setembro, 2023 ás 10:47 do Sábado 23 de Setembro, 2023

Felipe VI na inauguración do II Foro La Toja-Vínculo Atlántico
© Casa Real

O Rei emérito e Felipe VI coincidirán nas Rías Baixas a próxima semana.

Estarán en dous municipios veciños, O Grove e Sanxenxo, pero non hai previsión oficial dun encontro entre pai e fillo.

Juan Carlos I chegará o luns a Sanxenxo para participar na regata que leva o seu nome, a partir do xoves, a bordo do 'Bribón'. Será a cuarta visita que o emérito realizará a España desde que se trasladou a Emiratos Árabes Unidos en agosto de 2020.

Tamén o xoves estará Felipe VI na illa da Toxa para participar na entrega do III Premio Foro La Toja, segundo consta na axenda oficial da Casa Real.

A última vez que coincidiron pai e fillo foi o pasado mes de xaneiro en Atenas no funeral de Constantino de Grecia.