A escola infantil de Tenorio, máis preparada para a choiva
Por Redacción
A escola infantil de Tenorio, en Cerdedo-Cotobade, está este curso académico máis preparado ante a choiva e os problemas derivados do inverno. Durante o verán, realizáronse obras de mellora que repararon os problemas que puideran ter o alumnado e o profesorado.
O xerente do Consorcio Galego de Servizos de Igualdade e Benestar, Perfecto Rodríguez, e o alcalde de Cerdedo-Cotobade, Jorge Cubela, visitaron este martes estas instalacións, nas que se acometeron actuacións por máis de 30.000 euros.
Perfecto Rodríguez explicou que se actuou, fundamentalmente, sobre a cuberta do patio interior e na zona exterior da escola. Na cuberta colocáronse novas placas para evitar filtracións ou humidades. No espazo exterior instalouse unha pérgola para protexer aos nenos e profesorado cando chove.
Ademais, actuouse no equipamento interior con melloras nas portas do centro e na sala de caldeiras.
As obras correron a cargo do Concello e son financiadas polo Consorcio Galego de Servizos de Igualdade e Benestar a través das liquidacións que lle corresponde abonar á entidade local por este servizo público.
Un total de 39 nenos e nenas iniciaron o curso na escola infantil Tenorio.