![](/web/cache/scene/uploads/fotos/foto/780/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/64fdb415d2-20230910-visitavicepresidentemuseo-1.jpg)
© Deputación de Pontevedra
Rafa Domínguez sostén que o camarote de Méndez Núñez vai manterse nos edificios históricos do Museo
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
![](/web/cache/scene/uploads/fotos/foto/459/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64fdb3e65c-20230910-visitavicepresidentemuseo-2.jpg)
© Deputación de Pontevedra
Rafa Domínguez, vicepresidente da Deputación e responsable político do Museo de Pontevedra na institución, mantiña nas últimas horas unha reunión co persoal técnico do organismo para tratar sobre as obras que se van a acometer nos edificios García Flórez e Castro Monteagudo, inmobles históricos do Museo que levan case unha década pechados ao público polos problemas estruturais que presentaban.
A Deputación de Pontevedra ten previsto acometer as obras de reforma. Rafa Domínguez indicou que "imos investir o que faga falta para que salga adiante".
Neste sentido, a diferenza do que sinalara César Mosquera no anterior mandato cando o deputado nacionalista exercía de vicepresidente e responsable do Museo no goberno bipartito provincial, Domínguez asegurou que o camarote de Méndez Núñez seguirá e poderá verse unha vez os edificios reabran ao público.
Desta forma quixo enviar unha mensaxe de tranquilidade "a tanta xente que me preguntou pola rúa por este tema".
O vicepresidente provincial afirmou que a obra é fundamental e "terá todo o apoio da Deputación". A reforma destes edificios estaba previsto que se iniciase a finais deste 2023.