A mellora da liña de media tensión para o Gran Montecelo correrá a conta do Concello
Por Alejandro Espiño
Os investimentos comprometidos polo Concello de Pontevedra para complementar a obra que a Xunta de Galicia está a executar para ampliar o actual Hospital de Montecelo alcanzarán os 16 millóns de euros, segundo explicou o alcalde, Miguel Anxo Fernández Lores.
Farano despois de que o Servizo Galego de Saúde enviase un escrito ao Concello para pedirlles que executen unha actuación para mellorar a liña de media tensión que abastece ao centro hospitalario. Será unha obra que custará uns 336.000 euros.
Fernández Lores avanzou que "tomamos nota" desa demanda e a partida orzamentaria que permitirá executar esta mellora incluirase na primeira modificación de crédito que impulse o goberno municipal.
Con esta nova petición, que figuraba no convenio asinado entre ambas as partes, a achega do Concello para posibilitar o novo hospital chegará aos 16 millóns de euros.
Así, o alcalde detallou que a administración municipal destinou 4 millóns ás obras de urbanización e ás expropiacións, 4,6 millóns á rede de abastecemento, 1,17 millóns para o novo vial de acceso e 800.000 euros para saneamento e pluviais.
Ademais, debido ao interese xeral desta actuación, o Concello perdonou o pago de imposto de obras e construcións, o coñecido como ICIO, que obrigaría á Xunta a pagarlle ao concello unha liquidación de 5,1 millóns de euros.
Relacionadas:
-
O mal tempo deste outono obriga a prorrogar as obras para ampliar os servizos básicos do Gran Montecelo
Por Natalia Puga |
-
O Concello pedirá á Xunta que reformule o proxecto do aparcadoiro do Hospital Montecelo
Por Anxo Lourido |
-
O alcalde responsabiliza a Xunta das expropiacións da vía perimetral de Montecelo
Por Mónica Patxot & Diego Torrado & Anxo Lourido |
-
Domínguez ve "moi grave" deixar sen acceso aos propietarios das leiras do vial de Montecelo
Por Redacción |
-
O Concello mellorará a recollida de augas pluviais e residuais do Gran Montecelo
Por Oskar Viéitez & Cristina Saiz |
-
Así é o búnker do Gran Montecelo que albergará os dous aceleradores lineais que a Xunta adquiriu por máis de catro millóns de euros
Por Oskar Viéitez |
-
O futuro aparcamento do Gran Montecelo terá 900 prazas e prezos "moi competitivos"
Por Alejandro Espiño & Mónica Patxot |