Rolda nocturna de vixilancia na Illa de Tambo para evitar accións vandálicas
Por Anxo Lourido
Axentes da Policía Local de Poio en colaboración co servizo de gardacostas das Confrarías de pescadores de San Telmo de Pontevedra e de Raxó en Poio trasladábanse á Illa de Tambo durante a noite deste sábado.
Trátase de visitas sorpresa para exercer un operativo de vixilancia e protección de carácter xeral, segundo indican desde a Policía Local de Poio.
Desta forma queren controlar o acceso a este espazo natural por parte de persoas sen autorización, principalmente en horario nocturno.
Durante o operativo, os axentes realizaron unha rolda de vixilancia polo interior do recinto da illa e comprobaron as dependencias dos edificios coa intención de previr e evitar dalgún acto delituoso ou infraccións nestes elementos arquitectónicos.
Nesta intervención de vixilancia, os axentes non detectaron infracción algunha.
En todo caso, a Policía Local de Poio indica que seguirá protexendo esta contorna privilexiada con visitas destas características en diferentes xornadas e horarios coa intención de evitar calquera incidencia que poida afectar á Illa de Tambo.
Relacionadas:
-
Catro mil persoas visitaron Tambo este verán de xuño a setembro
Por Redacción |
-
Rueda visita Tambo e ofrece ao Concello a colaboración da Xunta para a súa posta en valor
Por Redacción |
-
Dá positivo en alcoholemia tras ser detectado circulando sen luces de cruce na avenida de Porteliña
Por Anxo Lourido |
-
Marcos Vila e Estíbaliz Bugallo, vencedores da II Volta a nado Illa de Tambo
Por Redacción |
-
Organizan unha viaxe sensorial e nocturna á Illa de Tambo
Por Anxo Lourido |
-
Portos de Galicia non permite aos veciños embarcar en Campelo para visitar Tambo
Por Oskar Viéitez |