Máis de 50 anos converteron á Festa do Carneiro ao Espeto de Moraña nunha cita ineludible non só na comarca, senón en toda Galicia. Non en balde é unha celebración declarada como de interese turístico galego.

Só con ver o aspecto da Carballeira de Santa Lucía este domingo podíase descubrir o por que da súa popularidade.

Ao redor de 3.000 persoas, entre os que se atopaba ata o presidente da Xunta de Galicia Alfonso Rueda, participaron no xantar popular que poñía o broche a un intenso programa de actividades festivas na 54 edición do evento.

Os 140 lotes de comida levaban tempo esgotados. Cada un deles, a un prezo de 300 euros, permitía comer a unha vintena de comensais ao incluír un carneiro asado ao espeto cun peso de entre 12 e 14 quilos, dous empandas de trigo, catro moletes de pan, doce botellas de viño, doche botellas de auga, unha botella de salsa especial para o asado, café, augardente e servizo completo de mesa.

A xornada, que tomaba a testemuña das actuacións musicais do sábado con Heredeiros da Crus, Azúcar Moreno, Michael Legend tributo a Michael Jackson, Dasoul e a disco móbil Euphoria, contaba tamén con animación de rúa a cargo da charanga Os Encerellados, unha actuación de Pelepau e o fin de festa coa orquestra Kubo.

Todo para reivindicar o Carneiro ao Espeto como o que é, unha festa imprescindible.

Pantalla completa