Educación explica á comunidade educativa do Valle Inclán o plan para as obras no instituto
Por Redacción
A Xefatura Territorial de Educación en Pontevedra intentou este mércores calmar a preocupación da comunidade educativa do instituto Valle Inclán en relación coas obras de rehabilitación do centro.
Coincidindo coas queixas das familias do centro sobre a falta de avances, que os levou a convocar unha concentración para este xoves 20 de xullo ás 14.00 horas, este mércores tivo lugar un encontro.
O xefe territorial, César Pérez Ares, acompañado de representantes da Unidade Técnica de obras e da Inspección Educativa, explicou ao equipo directivo e á Anpa deste centro, de xeito pormenorizado, "os trámites necesarios levados a cabo para esta obra, así como a planificación dos traballos".
Segundo a información facilitada pola Xunta de Galicia, seguindo a programación, e mentres non se obteña o permiso de ocupación por parte do Concello, a empresa adxudicataria está organizando o material necesario e os equipos de traballo para o desenvolvemento da obra que se iniciou coa acta de replanteo.
Nos vindeiros días comezará a parte máis visible dos traballos coa instalación de contedores e a demolición dos aseos.
O xefe territorial supervisou este mércores o que cualifica como "normal desenvolvemento" das obras de rehabilitación integral "de acordo coa folla de ruta programada".
Ademais, xunto cos inspectores dos dous institutos e o equipo técnico, tamén visitou o IES Sánchez Cantón para organizar o inicio de curso neste centro que, por mor das obras no Valle-Inclán, o próximo curso vai acoller o alumnado da Escola Oficial de Idiomas e de ensinanzas de adultos deste instituto.
Neste centro estase levando a cabo a adecuación de espazos, cun investimento estimado de arredor de 50.000 euros por parte da Xunta de Galicia.
Relacionadas:
-
As aulas móbiles do instituto Valle Inclán instalaranse a partir do 12 de outubro
Por Natalia Puga |
-
Inician a renovación das cubertas e canlóns do CEIP Froebel
Por Anxo Lourido |
-
A comunidade educativa concéntrase para saber "para cando?" empezarán as obras do Valle Inclán
Por Natalia Puga & Cristina Saiz |
-
Primeiro paso para o inicio das obras de rehabilitación do IES Valle Inclán
Por Redacción |
-
Lores apoia a proposta de Educación de instalar módulos en Montero Ríos durante as obras no IES Valle Inclán
Por Anxo Lourido & Mónica Patxot |
-
O alumnado de Bacharelato do Valle Inclán trasladarase en outubro a aulas móbiles na avenida de Montero Ríos
Por Oskar Viéitez |
-
Educación xa pode comezar as obras de reforma do IES Valle Inclán
Por Alejandro Espiño |
-
Preocupación da comunidade escolar do IES Valle Inclán sobre as obras de reforma do centro
Por Oskar Viéitez |