Sen prazas para as rutas dos 'Bosques Terapéuticos' de agosto
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
As 90 prazas dispoñibles paras as seis últimas rutas do programa da Deputación de Pontevedra 'Bosques Terapéuticos' de 2023 esgotáronse en tan só unha hora.
Así o deu a coñecer este luns a Deputación Provincial, que sinalou que estas seis rutas previstas para o mes de agosto tiveron unha alta demanda, en especial, o percorrido pola Illa de Tambo, que esgotou as prazas ofertadas en cuestión de minutos.
Os últimos baños de bosque, unha experiencia que mestura natureza, exercicio, cultura, historia e saúde, terán lugar pola Ruta da Pedra e da Auga (5 de agosto), a Illa de Tambo (día 6), o Lago de Castiñeiras (día 12), a Carballeira de San Xusto (día 13), o Río Eifonso (día 19) e a Ponte Colgante do Lérez (20 de agosto).
Nestes seis espazos naturais desenvolverase esta actividade integral e participativa na que se prima o contacto co medio natural.
Os Bosques Terapéuticos están baseados na terapia oriental shinrin yoku (baño de bosque), que ten demostrado ser beneficiosa para a saúde. A través do contacto coa natureza, as rutas permiten ás persoas participantes relaxar a mente e reducir o nivel de tensión, sempre coa premisa da conservación da contorna medioambiental.
Relacionadas:
-
Aberto o prazo de inscrición para os oito baños de bosque previstos pola Deputación
Por Redacción |
-
Os "baños de bosque" arrancan con gran éxito cun paseo por Tambo
Por Redacción |
-
En 30 minutos esgotáronse as prazas nos oito roteiros dos "Bosques Terapéuticos" do mes de maio
Por Redacción |
-
Esgótanse as prazas para participar nas rutas do programa "Bosques Terapéuticos"
Por Álvaro Arosa Barco |
-
O programa "Bosques terapéuticos" volve a partir do vindeiro 15 de abril e inclúe este ano 38 rutas
Por Oskar Viéitez |