"Deus bendiga ós animais"
Por Mónica Patxot
A parroquia pontevedresa de San Jose de Campolongo acudiu puntual á tradicional bendición aos animais no día de San Antón Abade.
A este evento festivo acoden cada ano numerosos veciños con todo tipo de mascotas, as clásicas, como cans e gatos, e as máis exóticas.
Segundo a historia, na antigüidade, os campesiños encomendábanse ao santo Abade como protector dos animais fronte aos ataques dos depredadores e enfermidades. Deste xeito, a bendición de San Antón convértese en "garante" de saúde e benestar durante todo o ano para as súas mascotas.