Lores di que a sentenza sobre as dedicacións exclusivas do PP "executarase estrictamente"
Por Redacción
O alcalde de Pontevedra, Miguel Anxo Fernández Lores, do seu regreso da viaxe a Bastia onde participou nunha xornada sobre mobilidade quixo facer referencia á sentenza do Tribunal Superior de Xustiza de Galicia (TSXG) das dedicacións exclusivas do PP para indicar que "vamos a executala estrictamente no que nos nosos asesores digan o que hai que facer".
Fernández Lores indicou en referencia ao Partido Popular que "houbo forzas políticas que son partidarias de xudializar este temas". E expuxo as súas dúbidas sobre se o acordo sobre as dedicacións exclusivas establecido ao comezo do mandato é anulable: "Igual non é anulable", apuntou. O alcalde sinalou que "sempre fomos partidarios do acordo. E, ata chegar ata esta situación, sempre estivemos nesa liña". Pero evitou referirse a se ía facerlle un ofrecemento ao grupo municipal do PP para negociar un novo pacto.
ESPECIALIDADES SANITARIAS EN SANTIAGO
Fernández Lores tamén fixo referencia á decisión do SERGAS de desviar pacientes do area sanitaria norte ata Santiago para a atención de seis especialidades. O alcalde criticou a actitude do goberno da Xunta por realizar recortes en materia sanitaria e lamentou que a administración autonómica non tivese ampliado o Hospital Montecelo: "a decisión de non facer Montecelo nos deixa con menos servizos, con menos capacidade de atención e de calidade sanitaria na nosa área. Desas augas veñen estes lodos. Os cidadáns de Pontevedra están discriminados claramente".
VISITA A BASTIA
Por outra parte, Lores indicou que a súa presenza na xornada de mobilidade celebrada en Bastia serviu para que os responsables de Intermodes visiten Pontevedra no mes de outubro, acompañados por xornalistas especializados que "darán repercusión á cidade".
Ademais, o alcalde capitalino será o encargado de entregar o Premio Intermodes ao gañador da edición deste ano o 6 de febreiro en Bruxelas.
Relacionadas:
-
María Biempica reclama os 29.000 euros que deixou de cobrar tras quedar o PP sen dous dos seus soldos
Por Alejandro Espiño | Creada e actualizada
-
Jacobo Moreira, María José Rodríguez, Ricardo Aguilar e César Abal repartiranse os soldos do PP
Por Alejandro Espiño | Creada e actualizada
-
Lores defendera ao peón na Xornada europea de Mobilidade en Bastia
Por Redacción |
-
Doentes de seis especialidades do CHOP terán que trasladarse a Santiago para seren tratados
Por Redacción |