Louzán acusa o PSdeG-PSOE de "intentar desprestixiar" cun "caso pechado" como a obra de Pasarón
Por Natalia Puga
As últimas declaracións do secretario provincial de PSdeG-PSOE en Pontevedra, Santos Héctor, nas que critica a "gestión alegal" das obras de reforma do estadio de fútbol de Pasarón son, en opinión do presidente da Deputación Provincial, Rafael Louzán, un "intento de desprestixiar".
Louzán recorda a Santos Héctor que "hai un ano e sete días" deu por pechado o convenio que permitiu executar a reforma do estadio ao "firmar definitivamente" co alcalde de Pontevedra, Miguel Anxo Fernández Lores, de modo que "non hai caso" malia que os socialistas seguen cuestionando o sobrecoste da obra.
"O PSOE o que quere é enredar", sinala Louzán e fai referencia a unhas declaracións do edil de Ordenación do Territorio de Pontevedra, César Mosquera, nas que se desvincula das críticas dos socialistas.
En relación coa posible responsabilidade do presidente provincial no sobrecoste, o aludido incidiu en que "eu non o firmei, os que o asinaron foron os técnicos" e que "eu non son técnico". Esta ausencia de responsabilidade aplícaa tamén a Lores: "nin o alcalde de Pontevedra nin eu puidemos facer algo sen o aval dos técnicos".
Engade que o proxecto non o redactou a Deputación, senón que "fíxoo o Concello e a Xunta" e que todos os pasos que se deron nesta actuación estiveron controlados por unha comisión de seguimento na que tamén "estaba o PSOE".
En relación con Pasarón, o presidente provincial cre ademais que o desfase presupostario da obra non preocupa aos veciños, senón que o que realmente lles pesa é que os arredores do estadio están nun "estado lamentable" e "aquilo é un lodazal", unha situación da que responsabiliza ao Concello de Pontevedra e para a que pide solucións.
A mala situación da zona vese acrecentada dende que o Concello habilitou nun lateral un aparcadoiro disuasorio, do que Louzán di que é "un aparcamento acuático" que vai obrigar a que o próximo domingo, cando o Pontevedra CF juege en Pasarón, "imos a ter que ir ao campo con botas".
Relacionadas:
-
Deputación esixe ao Concello a recepción de Pasarón e deixará de asumir os seus gastos dende o 1 de abril
Por Redacción |
-
Agustín Fernández esixe "la dimisión de Louzán" polo sobrecusto de Pasarón
Por Diego Espiño |
-
Suficientes explicacións do sobrecusto de Pasarón?
Por Diego Espiño |
-
Agustín Fernández acusa a Louzán de "favorecer deliberadamente a unha empresa" coa construción de Pasarón
Por Diego Espiño |
-
Bará, sobre o aparcamento de Pasarón: "O maior lodo que hai aí é a construción do estadio"
Por Alejandro Espiño |
-
O PSdeG-PSOE non descarta xudicializar a reforma de Pasarón
Por Redacción |
-
Jacobo Moreira insta a Antón Louro ou a Luis Bará a que "urbanicen en condicións" a parcela de Pasarón
Por Redacción |
-
O BNG pasa páxina co sobrecusto de Pasarón e estráñase pola denuncia do PSOE á Deputación
Por Redacción |