Educación converterá en centro integrado de FP o IES Montecelo de Pontevedra
Por Redacción
Pontevedra contará no próximo curso escolar cun novo centro integrado de Formación Profesional. Será o IES Montecelo, segundo recolle a proposta da Consellería de Educación que este xoves foi referendada polo Consello da Xunta na súa xuntanza semanal.
A transformación do instituto pontevedrés en CIFP, destacan desde o goberno galego, permitirá potenciar a oferta e establecer novas sinerxías co tecido socioprodutivo da comarca.
A conversión en centro integrado de FP do IES Montecelo contribuirá a que o centro poida reforzar a súa especialización na familia profesional de sanidade na área de Pontevedra.
Isto busca redundar nunha maior oferta de profesionais sanitarios.
Este será o terceiro CIFP de Pontevedra, onde xa existe un especializado en hostalería, restauración e turismo, o CIFP Carlos Oroza; e o CIFP A Xunqueira, que ofrece estudos en electrónica, servicios socio culturais, madeira, transporte ou mantemento de vehículos.
Relacionadas:
-
O novo CIFP Montecelo suma 100 novas prazas e o primeiro FP Dual de Postimpresión de Galicia
Por Redacción |
-
O Instituto Montecelo e o Carlos Oroza gañan os permios DepoEmprende na FP
Por Oskar Viéitez |
-
Os plans da Xunta para o Frei Martín Sarmiento pasan por convertelo nun centro exclusivo de FP
Por Diego Espiño |