Jacobo Moreira, María José Rodríguez, Ricardo Aguilar e César Abal repartiranse os soldos do PP
Por Alejandro Espiño
Creada e actualizada
Creada e actualizada
Jacobo Moreira, María José Rodríguez Teso, Ricardo Aguilar e César Abal repartiranse as tres dedicacións exclusivas que lles corresponden ao Partido Popular, segundo a recente sentenza do Tribunal Superior de Xustiza de Galicia (TSXG). Así se reflicte no escrito presentado este martes no Concello de Pontevedra e que segundo os populares trata de facilitar ao goberno municipal a execución de dita resolución.
Os dous primeiros gozarán dunha dedicación exclusiva, presupostada en 43.865 euros brutos anuais, repartidos en 14 pagas; mentres que o terceiro soldo será repartido entre Ricardo Aguilar e César Abal, que terán senllas dedicacións parciais. ÿ dicir, 21.392 euros ao ano para cada un.
Fóra do reparto quédanse dous edís que se repartían un destes soldos antes do Pleno de xullo de 2012, no que o PP perdeu dous das tres asignacións que recibía ata entón. Trátase de Pablo Fernández e María Biempica, alineados no seu día co denominado sector 'díscolo'.
O portavoz municipal do PP confía en que a "contundencia" da sentenza do TSXG "frene cualquier tentación de Fernández Lores de tomar nuevas represalias contra el Partido Popular" e que o alcalde "asuma con normalidad democrática el trabajo de la oposición municipal". E apuntou que "si el Gobierno quiere reducir los gastos tiene que aplicárselos a sí mismos. Ahora recobra vigencia el acuerdo de 2011 en virtud de la sentencia, que fue lo que se pactó por unanimidad en el pleno".
O GOBERNO OFRECE UN NOVO ACORDO
O goberno local, a través de César Mosquera, manifestou que os servizos xurídicos están a traballar para interpretar en que sentido se debe executar a sentenza do Tribunal Superior de Xustiza de Galicia sobre as dedicacións exclusivas. O prazo para a execución da sentenza é de dous meses e, polo tanto, agarda que en febreiro se coñeza que solución definitiva se adopta.
Non queda claro no fallo da sentenza, di Mosquera, que deba retomarse o acordo que había antes daquel pleno. Indicou que "en principio, sen estar por escrito, a mellor solución sería un novo acordo plenario". Ademais, o concelleiro nacionalista indicou que "o PP pretende recuperar o máximo de dedicacións exclusivas que lle nega o goberno local" e engadiu que "o que quería era cambiar os membros dos que tiñan as dedicacións exclusivas" en referencia aos concelleiros Pablo Fernández e María Biempica.
Relacionadas:
-
María Biempica reclama os 29.000 euros que deixou de cobrar tras quedar o PP sen dous dos seus soldos
Por Alejandro Espiño | Creada e actualizada
-
Lores di que a sentenza sobre as dedicacións exclusivas do PP "executarase estrictamente"
Por Redacción |
-
O goberno local rexeita que o PP cobre os atrasos das dedicacións exclusivas previos á sentenza
Por Redacción |
-
Moreira asegura que a sentenza das dedicacións exclusivas é "una gran lección que Lores tiene que asumir"
Por Alejandro Espiño |
-
O TSXG devolve ao PP de Pontevedra as súas dedicacións exclusivas
Por Alejandro Espiño | Creada e actualizada