28M | Só pode quedar un (ou unha): Pontevedra busca quen a goberne
Por Alejandro Espiño
Sete homes e dúas mulleres. Un alcalde en busca do seu sétimo mandato consecutivo e oito candidatos que tentan destronarlle. Para tres deles será o seu segundo asalto á Alcaldía. Os outro cinco estréanse nestas lides. Así se presentan estas municipais en Pontevedra.
Pontevedra volverá elixir este domingo a 25 concelleiros para conformar a nova corporación municipal, que no últimos catro anos estivo conformada por BNG (11), PP (9), PSdeG-PSOE (4) e Cidadáns (1), aínda que este último quedou sen representación tras expulsar ao seu edil.
O rival a bater será Miguel Anxo Fernández Lores (BNG). Alcalde desde 1999, quere seguir no sillón de mando. O seu principal opositor, Rafa Domínguez (PP), chega con mellores perspectivas que hai catro anos e tentará derrocar ao veterano rexedor.
O terceiro en discordia, Iván Puentes (PSdeG-PSOE), ten ante si o reto de mellorar os resultados electorais do seu precedesor. Tamén Ciudadanos cambia de candidato. Presenta a David Díaz, que tenta protagonizar o renacer deste partido na cidade.
Tras a desaparición de Marea, Podemos queda como a única referencia para a esquerda rupturista. Á fronte, a radióloga Luisa Lores, vinculada tradicionalmente a Esquerda Unida. E Vox repite póster electoral, con Manuel Torres, funcionario municipal, como a súa opción para ser alcalde.
Os outros tres contendentes fano á fronte de novos partidos. Aínda que para María Rey (Espazo Común) serán as súas segundas eleccións. Xa encabezou a Ciudadanos en 2015. Xunto a ela estarán o hostaleiro Carlos Fontán (Pontevedra Alternativa) e o avogado Alberto de Salazar, que lidera a candidatura coa que o partido animalista PACMA estréase nunhas municipais.
Quen deles lograrán representación? Haberá cambio de goberno? Ata onde chegará a renovación da corporación municipal? A resposta a todas estas preguntas, ao final desta apaixonante xornada.
Relacionadas:
-
28M | Pontevedra anímase a votar e a participación sobe cerca de 4 puntos
Por Alejandro Espiño & Cristina Saiz |
-
28M | Toda a comarca tamén vota nestas municipais para elixir os seus alcaldes
Por Redacción |
-
28M | Accidentada estrea do colexio electoral do edificio da Xunta en Benito Corbal
Por Redacción & Mónica Patxot |
-
28M | A participación matinal en Pontevedra, máis elevada que hai catro anos
Por Alejandro Espiño & Mónica Patxot |
-
28M | Alberto de Salazar (PACMA), confiado en que "los resultados de hoy den un vuelco a la política municipal"
Por Natalia Puga |
-
28M | Manuel Torres (Vox) pide aos cidadáns que "piensen con serenidad y con inteligencia"
Por Natalia Puga & Cristina Saiz |
-
28M | María Rey (Espazo Común): "Hoxe é o día no que realmente todos somos iguais"
Por Natalia Puga & Cristina Saiz |
-
28M | Rafa Domínguez (PP) confía nun "buen resultado" e invita á xente a votar "masivamente"
Por Alejandro Espiño |
-
28M | Alfonso Rueda, a primeira vez das súas fillas e o seu primeiro gran exame como líder do PP
Por Natalia Puga & Mónica Patxot | Creada e actualizada
-
28M | Iván Puentes (PSOE) apela ao voto dos indecisos para lograr unha participación "masiva"
Por Alejandro Espiño & Cristina Saiz |
-
28M | Lores (BNG) chama á participación nunhas eleccións "moi importantes para Pontevedra"
Por Alejandro Espiño & Cristina Saiz |
-
28M | Todas as mesas electorais de Pontevedra constituíronse sen incidencias
Por Redacción |
-
28M | Case 67.000 pontevedreses están chamados este domingo ás urnas
Por Alejandro Espiño |
-
A reflexión dos políticos pontevedreses, entre unha voda, tempo coa familia e o derbi de Pasarón
Por Alejandro Espiño & Cristina Saiz |