García Comesaña inaugurará a Xornada de Cirurxía Coloproctolóxica en Montecelo coa presenza dun cento de especialistas
Por Redacción
Profesionais médicos do servizo de Cirurxía Xeral e Dixestiva do Complexo Hospitalario Universitario de Pontevedra participarán na XII Xornada de Cirurxía Coloproctolóxica, que comeza este xoves no Hospital Montecelo.
Durante dous días analizaranse as técnicas cirúrxicas minimamente invasivas que se están aplicando na actualidade. Ao redor de cen especialistas en Cirurxía e outras especialidades procedentes da rede sanitaria pública do Servizo Galego de Saúde de Galicia e tamén de España e Portugal analizarán estes sistemas aplicados á patoloxía colorrectal.
Entre o xoves e o venres van desenvolverse mesas redondas, conferencias e técnicas en cirurxía, nun evento que se poderá seguir de maneira presencial e en liña para tratar retos asistenciais que se presentan utilizando laparoscopia e robótica.
A inauguración oficial celebrarase en Montecelo este xoves 13 de abril ás 16.00 horas coa presenza de Julio García Comesaña, conselleiro de Sanidade. Acompañaranlle no acto José Flores Arias, xerente da área sanitaria de Pontevedra e O Salnés, ademais de Alberto Parajó Calvo, presidente do comité organizador da Xornada e xefe de servizo de Cirurxía Xeral e Dixestiva do Complexo Hospitalario.
Ao longo do venres celebrarase un vídeoforum coa cirurxía robótica aplicada a diversas patoloxías, primando o enfoque práctico. A intención é que se analicen casos para mostrar co máximo realismo as técnicas cirúrxicas.
Relacionadas:
-
Consolidada a función asistencial da Unidade de Linfedema do Complexo Hospitalario
Por Redacción |
-
Propoñen un enfoque médico multidisciplinar para combater a 'epidemia' da obesidade
Por Noticia patrocinada |
-
Pouca incidencia nas consultas durante a xornada de folga médica
Por Alba Feijoo Alonso | Creada e actualizada
-
Un cento de futuros médicos residentes coñecen as especialidades da área sanitaria
Por Redacción |
-
CESM Galicia solicita o apoio dos profesionais do Sergas na vindeira folga indefinida do 11-A
Por Rosalía Rico Otero |