As Rías Baixas, a tope en Semana Santa
Por Oskar Viéitez & Diego Torrado
A Semana Santa está a deixar nas Rías Baixas imaxes propias do verán, con praias cheas de bañistas.
O sector hostaleiro está a ser un dos grandes beneficiados polo aluvión de persoas que gozan destes días de descanso.
Non todos os hoteis abriron as súas portas esta semana Santa pero aqueles que o fixeron están a rexistrar un alto índice de ocupación que supera as estimacións iniciais polas reservas de última hora esporeadas polo bo tempo.
Tamén están a ter unha incidencia positiva a coincidencia de varios torneos deportivos con gran poder de convocatoria como son a fase previa do Arousa Fútbol 7, en Ribadumia e outros tres torneos que se disputan en Vilagarcía, especialmente a Basket Cup, pero tamén o Torneo Cidade de Vilagarcía, organizado polo Arousa, e o Ramiro Carregal Soccer Cup.
Ao ser competicións que reúnen a xogadores de equipos de base moitos acudiron coas súas familias.
Incluso os diferentes roteiros xacobeos están a notar o tirón da Semana Santa rexistrándose unha alta ocupación nos albergues, a pesar de non ser Ano Santo.
Na parte negativa, hai que consignar algúns atascos rexistrados na estrada PO-308 entre Pontevedra e Sanxenxo aínda que nada que ver co quilométrico tapón vivido por quen decidiu visitar Portugal en coche este xoves que sufriron o efecto embude na ligazón da autoestrada AP-9 coa A-55 ao seu paso por Tui, onde se rexistraron larguísimas colas que impediron avanzar aos vehículos á primeira hora da tarde.
Relacionadas:
-
A oferta e demanda de vivendas turísticas na comarca de Pontevedra dispárase este verán
Por Manu Otero |
-
O sector turístico xa pode solicitar axudas de mellora da eficiencia enerxética
Por Redacción |
-
As visitas ás oficinas de turismo de Sanxenxo e Portonovo aumentaron un 20% en Semana Santa
Por Redacción |
-
O turismo deixou datos "históricos" nas Rías Baixas esta Semana Santa
Por Oskar Viéitez |
-
O sector turístico de Sanxenxo celebra o 78% de ocupación e o aumento do consumo
Por Oskar Viéitez |
-
O aparcamento do porto deportivo de Sanxenxo bateu o récord de recadación en Semana Santa
Por Redacción |
-
A Feira de Oportunidades de Sanxenxo regresou á Praza dos Barcos
Por Redacción |
-
Tambo e Cíes colgan o cartel de completo
Por Oskar Viéitez |
-
O anticiclón garante sol e altas temperaturas para os próximos días
Por Oskar Viéitez |
-
O bo tempo e unha multitude acompañan ás sete confrarías pontevedresas na procesión dos Pasos
Por Diego Torrado & Redacción |