Pontevedra insta a frear a instalación "masiva" de eólicos que "depredan" recursos e territorios
Por Alejandro Espiño
A proliferación de parques eólicos na contorna de Pontevedra preocupa ao goberno municipal. Por iso é polo que, o Concello posicionouse radicalmente en contra da instalación "masiva" destes polígonos nos montes da comarca.
Así o certifican nunha carta que enviaron á Xunta de Galicia para apuntar que Pontevedra "estará sempre a carón da veciñanza" e apoiará todas as reivindicacións e iniciativas encamiñadas a frear proxectos que supoñen a "depredación" de recursos e territorios.
A este respecto, o propio Concello advirte que tomará todas as medidas "que permita o ordenamento xurídico ao noso alcance" para impedir a tramitación destes parques eólicos.
A portavoz do goberno municipal, Anabel Gulías, foi a que expresou o malestar do executivo pontevedrés pola construción duns parques que non supoñen un "beneficio claro" para os cidadáns, ao xerar un "gran impacto ambiental".
Con respecto ao que xa se está construíndo no Monte Acibal, en Moraña, o Concello solicitou un informe a Augas de Galicia para que certifique a afectación que terá este polígono sobre o abastecemento de auga da cidade de Pontevedra.
Ademais, presentou alegacións contra aquelas iniciativas que si teñen previstas obras no termo municipal de Pontevedra, os de Zudreiro e Anduriña.
Todos estes proxectos, segundo Gulías, supoñen empregar políticas públicas para beneficiar ás grandes multinacionais enerxéticas, o que o Concello considera "inxusto e inxustificable".
Relacionadas:
-
"Indignación" por un novo impacto dos proxectos eólicos no Monte Acibal, a desaparición da Pisada do Mouro
Por Redacción |
-
O PP non se une ao rexeitamento da corporación á "invasión eólica" nos montes de Pontevedra
Por Alejandro Espiño & Mónica Patxot |
-
Ponte Caldelas e Pontevedra, en garda ante a "barbaridade" dun novo parque eólico na Fracha
Por Oskar Viéitez & Diego Torrado |
-
Veciños de Amil reportan oito novos casos de patrimonio en perigo polas obras do parque eólico no monte Acibal
Por Redacción |
-
Os veciños de Amil denuncian a destrucción de petroglifos nas obras do Parque Eólico Acibal
Por Redacción |
-
Urxen un informe a Augas de Galicia sobre como afectará o parque eólico de Acibal ao Pontillón do Castro
Por Juan Manuel García Tajes & Anxo Lourido |
-
Declaran a Campo Lameiro como "concello libre de eólicos"
Por Redacción |
-
Veciños de Amil, Xeve e Campo Lameiro solicitan a paralización das obras do parque eólico do Acibal