Fronte común en Antas contra o parque eólico de Monte Peón
Por Redacción
Nun encontro coa veciñanza de Antas, o alcalde da Lama, Jorge Canda, trasladou o apoio do equipo de goberno ás reivindicacións e oposición á instalación do parque eólico en Monte Peón.
O rexedor comprometíase nesta reunión para convocar un pleno extraordinario para referendar por todos os grupos municipais o rexeitamento ao proxecto industrial previsto en terreos de Xende e que afectará de maneira grave, segundo o Concello, ás persoas residentes na parroquia de Antas.
A proposta industrial contempla a instalación de tres aeroxeradores de 4.200 kW de potencia nominal unitaria, que producirán aproximadamente 41.387 Mwh/ano.
David Carrera, tenente de alcalde, entregáballe a documentación dispoñible no Concello sobre o parque eólico a Erundina Louro, presidenta da Comunidade de Montes.
Ademais, o representante municipal indicou que os medios municipais atópanse ao dispor dos comuneiros, que se concentraron ante o Concello para mostrar a súa oposición ao proxecto e que, seguidamente, mantiveron un encontro co tenente de alcalde, segundo fontes municipais.
O encontro iniciouse coa lectura dun manifesto, en voz de Erundina Louro, elaborado por un mozo da parroquia residente no estranxeiro e tivo continuidade por dous comuneiros que expresaron o seu apoio ás enerxías renovables pero tamén o rexeitamento á saturación e localización de aeroxeradores no dorsal do Suído.
Erundina Louro fixo un chamamento para facer fronte de maneira colectiva ao proxecto do parque eólico Monte Peón.
David Carrera sinalou que se está traballando en colaboración coa Comunidade de Montes de Antas para que unha empresa especializada en cuestións medio ambientais para apoiar á veciñanza, ademais de comprometerse a achegar o asesoramento legal para evitar a implantación do parque eólico.
Este mesmo martes tamén se presentaba na Subdelegación de Pontevedra un escrito por parte do BNG en contra doutro proxecto eólico, o de Carballoso, que afectará a Berducido, Seixido e Xiesta, tamén no municipio da Lama.
Relacionadas:
-
O PSOE da Lama asegura que Jorge Canda tramitou o parque eólico de Monte Peón e acúsao de "enganar" os veciños
Por Redacción |
-
Veciños da Lama protagonizan unha nova manifestación contra o parque éolico que ameaza As Ermidas
Por Redacción |
-
Os veciños de Amil denuncian a destrucción de petroglifos nas obras do Parque Eólico Acibal
Por Redacción |
-
Un festival para opoñerse á instalación do parque eólico Carballoso, que afectará na Lama
Por Redacción |
-
Bará advirte da tramitación "irregular" para crear o parque eólico Carballoso, que afectará na Lama
Por Juan Manuel García Tajes & Anxo Lourido |
-
Bará advirte da tramitación "irregular" para crear o parque eólico Carballoso, que afectará na Lama
Por Juan Manuel García Tajes & Anxo Lourido |
-
Alarma en Antas por un parque éolico que ameaza As Ermidas
Por Redacción |
-
Declaran a Campo Lameiro como "concello libre de eólicos"
Por Redacción |
-
Loita fotográfica ambiental fronte á ameaza eólica
Por Redacción |
-
Xeve, en pé de guerra ante o panorama "terrorífico" de estar rodeado por tres parques eólicos
Por Alejandro Espiño |
-
Moraña rexeita ser "terra de sacrificio" nun concorrido Pleno sobre os parques eólicos
Por Oskar Viéitez |