Alarma en Antas por un parque éolico que ameaza As Ermidas
Por Redacción
Todo o tecido asociativo de Antas, na Lama, está en pé de guerra. Coinciden en expresar a súa "máis enérxica repulsa" á intención da empresa Naturgy de instalar un parque éolico que amezaría unha das zonas más importantes da parroquia, As Ermidas.
Este parque, coñecido como Monte Peón, conta xa coa declaración de impacto ambiental favorable desde o pasado mes de octubre, sinalan os afectados, que acudirán este martes ao Concello para solicitar o expediente de tramitación da obra.
Pedirán ademais un pleno extraordinario para que a corporación municipal determine a súa postura con respecto a este proxecto, subliñan desde a Comunidade de Montes de Antas, a Asociación de Mulleres rurais As Ermidas, a Asociación Cultural As Ermidas, a Comunidade de Augas de Antas e a Asociación de Veciños de Antas.
O futuro parque, denuncian estes colectivos, incumpriría "normas fundamentais" para este tipo de instalacións como a distancia ás vivendas, a alteración ambiental, a desaparición de masa forestal ou a afección á saúde das personas -250 veciños na propia zona- e a fauna ameazada.
Consideran tamén que o patrimonio da zona quería danado de maneira "determinante". Así, quedaría "destrozado" o camiño tradicional do santuario das Ermidas, a zona de petróglifos, todo o parque e o propio santuario, varios regos de auga ou a propia paisaxe en si.
Os afectados advirten que tomarán medidas xurídicas para tratar de frear a tramitación deste parque, unha loita "que estamos dispostos a levar ante os tribunais ou mesmo a Europa", ante o que consideran unha situación de "indefensión" que os prexudica "gravemente".
Relacionadas:
-
Veciños da Lama protagonizan unha nova manifestación contra o parque éolico que ameaza As Ermidas
Por Redacción |
-
Fronte común en Antas contra o parque eólico de Monte Peón
Por Redacción |
-
Declaran a Campo Lameiro como "concello libre de eólicos"
Por Redacción |
-
Xeve, en pé de guerra ante o panorama "terrorífico" de estar rodeado por tres parques eólicos
Por Alejandro Espiño |
-
Moraña rexeita ser "terra de sacrificio" nun concorrido Pleno sobre os parques eólicos
Por Oskar Viéitez |