Manuel Campos presenta a súa candidatura en Cuntis coa vista posta en infraestruturas futuras
Por Redacción
Manuel Campos, actual alcalde de Cuntis, encheu de público o Centro Social Patelas na súa presentación como candidato socialista ás próximas eleccións municipais.
No acto estivo acompañado pola presidenta da Deputación de Pontevedra e do PSdeG, Carmela Silva, e polo secretario xeral do partido en Pontevedra e delegado do Consorcio Zona Franca, David Regades.
A presentación centrouse nos cambios rexistrados no municipio a través do proxecto socialista. Campos explicou os avances en relación coa modernización e humanización da vila coa mellora de estradas municipais e provinciais. Tamén destacou o desenvolvemento de políticas sociais de axuda a familias con emerxencias, a creación de parques infantís, defensa do patrimonio, roteiros de sendeerismo, entre outros aspectos da súa xestión.
De fronte ao próximo mandato anunciou o desenvolvemento empresarial do polígono industrial da Ran co apoio da Deputación Provincial. A presidenta Carmela Silva destacaba a perseveranza de Manuel Campos por atopar o programa para mellorar o trazado das vías e desenvolver esta área.
Regades tamén subliñaba o traballo de Campos para consolidar a área industrial cun convenio entre SEPE, Zona Franca e Concello cun investimento superior aos seis millóns de euros.
O candidato socialista tamén insistiu en que, nos próximos anos, quere poñer en marcha os proxectos relacionados coa residencia de maiores ou a finalización dos servizos no rural.
Relacionadas:
-
Unha "candidatura con vocación de goberno" para optar á reelección de Manuel Campos como alcalde de Cuntis
Por Redacción |
-
O BNG de Cuntis presume dunha candidatura "renovada, plural e con marcado carácter feminista"
Por Oskar Viéitez |
-
Abre en Cuntis un centro especializado en terapias para persoas con demencia
Por Álvaro Arosa Barco |
-
Acordan convocar dúas prazas de Policía Local en Cuntis neste 2023
Por Redacción |
-
O centro de día de Cuntis terá trinta prazas, como mínimo ata o ano 2025
Por Redacción |
-
Cuntis aproba o convenio que desenvolverá o polígono da Ran cun proxecto de 6 millóns
Por Redacción |
-
Máis de 3.000 persoas ateigan a Festa do Lacón con Grelos de Cuntis
Por Redacción |