Abre en Cuntis un centro especializado en terapias para persoas con demencia
Este martes abriu en Cuntis un novo Servizo de Estimulación Terapéutica para persoas con demencia, un proxecto levado a cabo polo Concello xunto a AGADEA Alzhéimer. O centro conta cun horario de 16:30 a 19:30 horas os luns, mércores e venres.
Os seus servizos están destinados a persoas maiores cunha deterioración cognitiva, así como a persoas con demencia neurodexenerativa. O obxectivo destas terapias é atrasar o máximo posible os danos que provocan estas enfermidades traballando a memoria, a orientación e a linguaxe, explican desde o Concello.
O alcalde de Cuntis, Manuel Campos, destacou a importancia destes centros na localidade para que as persoas que o necesiten reciban axuda e "manteñan durante o maior tempo posible a súa calidade de vida". Doutra banda, a responsable de AGADEA na zona, Sonia Castro, asegurou que este tipo de terapias son unha forma de "levarlle a dianteira á demencia".
Desde AGADEA informan de que o día 23 de marzo levarase a cabo a charla Ferramentas de apoio na xestión persoal de persoas con demencia, que forma parte dun ciclo de talleres que ten como fin "coidar ao coidador", e que se estenderán durante o mes de abril.
Relacionadas:
-
Un ciclo de charlas abordará en Cuntis as necesidades das familias que conviven co Alzhéimer
Por Redacción |
-
Manuel Campos presenta a súa candidatura en Cuntis coa vista posta en infraestruturas futuras
Por Redacción |
-
Novo servizo de Estimulación Terapéutica para as personas maiores de Cuntis
Por Redacción |