Pensionistas e persoas xubiladas da CIG concéntranse contra a exclusión dixital
Por Redacción
Pensionistas e persoas xubiladas da CIG concentráronse este xoves diante das oficinas do Instituto Nacional da Seguridade Social (INSS) das sete cidades galegas, entre elas Pontevedra, para denunciar a exclusión dixital que sofren.
Representaron nestes actos, as dificultades que se atopan para lograr contactar co organismo e as colas ás que fan fronte para arranxar trámites tan necesarios como a solicitude da pensión ou da xubilación.
As protestas forman parte da campaña da central nacionalista que comezaba en febreiro na que se recollen sinaturas para entregar á Valedora do Pobo reclamando a eliminación das barreiras de acceso a servizos públicos como a sanidade ou ao propio INSS para realizar diferentes procedementos administrativos.
Alertan da fenda dixital á que se enfronta o colectivo de persoas maiores provocando unha situación de vulnerabilidade e, como consecuencia, unha exclusión social.
Relacionadas:
-
'Paremos o saqueo', lema da CIG para a manifestación do 1º de maio reivindicando a acción sindical de "confrontación"
Por Mónica Patxot & Anxo Lourido |
-
Intensifícanse as protestas da CIG contra a reforma das pensións que proxecta o Goberno
Por Redacción |
-
Indignación de pensionistas e xubilados pola grave perda de poder adquisitivo
Por Redacción |
-
Petición na rúa da CIG ao Goberno: "Atendan as pensións e non gasten en armamento"
Por Diana Eiras & Anxo Lourido |