Detido un madrileño que intentou sacar o carnet de conducir en Pontevedra co DNI doutro
Por Redacción
Un home de 33 anos, veciño de Madrid, foi detido pola Garda Civil de Pontevedra tras suplantar a identidade doutra persoa, utilizando o seu DNI, para presentarse ao exame para sacar o permiso de conducir.
O detido, segundo informa o instituto armado, ten antecedentes por tentar suplantar a identidade doutras persoas, polo menos, en sete ocasiones.
Os axentes compareceron nas dependencias da Xefatura de Tráfico de Pontevedra, onde se estaban realizando as probas teóricas, para identificar a esta persoa, tras comprobar que presentara o DNI doutra persoa.
A Garda Civil comprobou que o detido tiña ademais vixente unha orde dun xulgado de instrución de Burgos, para a súa procura, detención e presenza en sede xudicial.
O home que facilitou o seu DNI, para ser suplantado no exame, é un veciño de Ferrol de 47 anos, que non estaba presente no lugar e ao que tamén lle consta un antecedente polos mesmos feitos.
Esta persoa tamén foi localizada polos axentes e será investigado por un delito de falsidade documental.
As dilixencias por estes feitos foron entregadas no xulgado de garda de Pontevedra.
Relacionadas:
-
Pillan un home de 56 anos no exame de recuperación do permiso de conducir con auricular, teléfono e mini cámara
Por Anxo Lourido |
-
Sorprendido usando un móbil con cámara, bluetooth e un mini auricular para copiar no exame de conducir
Por Natalia Puga |
-
Preséntase ao exame para recuperar os puntos do seu carné cun pinganillo e píllano
Por Redacción |