Dous veciños de Poio, sorprendidos "in fraganti" cando practicaban furtivismo e foxen nadando
Por Anxo Lourido
A Policía Local de Poio en colaboración cos vixiantes de Gardapescas da Confraría de Pescadores de San Telmo interviñan este luns 6 de marzo ás 20.30 horas para interceptar dous veciños de Poio que foron sorprendidos "in fraganti" cando recollían, de maneira furtiva, ameixa japónica na praia da Pinela.
No momento en que foron sorprendidos, os presuntos furtivos tiraron o bivalvo recollido e fuxiron a nado. En todo caso foron identificados pola Policía Local.
Os axentes interviñeron unha cantidade próxima aos dous quilos de molusco, a maioría de tamaño antirreglamentario. Segundo sinalan a cantidade era escasa porque apenas levaban dez minutos recollendo ameixas.
A Policía Local procedeu á pesada do produto incautado e tramitouse unha denuncia administrativa á Consellería de Medio Ambiente da Xunta de Galicia.
Segundo os datos facilitados polas mesmas fontes, trátase dos mesmos autores doutra actividade furtiva en Moaña en decembro de 2022 cando foron intervidos 425 quilos de ameixa capturados de maneira ilegal na praia da Xunqueira deste municipio.
Relacionadas:
-
Intervidos 850 quilos de peixe conxelado sen documentar no Porto de Marín
Por Redacción |
-
Interceptan unha furtiva de Pontevedra na praia da Pinela recollendo ameixas en tempada de veda por toxina
Por Redacción |
-
Solicitan colaboración para localizar o propietario dunha zódiac empregada por furtivos
Por Oskar Viéitez |
-
A praia de Cabeceira acollerá unha xornada de recollida de lixo
Por Redacción |
-
Localizan en Mogor 54 nasas de polbo sen sinalizar e en zonas prohibidas para a súa pesca
Por Redacción |
-
Recuperan 66 quilos de ameixa que oito furtivos colleran en Vilaboa
Por Redacción |
-
Comisan 21 quilos de centola, 9 de choco e 3 de bogavante no porto de Aguete
Por Redacción |
-
O furtivismo de bañador regresa a Poio, con dous casos en Campelo e Laño durante a fin de semana
Por Redacción |
-
Sorprenden dous furtivos que colleron seis quilos de ameixa na praia da Pinela, un deles reincidente
Por Redacción |
-
Os furtivos, cada vez menos 'invisibles' na costa galega
Por Alejandro Espiño |
-
Deteñen un veciño de Poio de 36 anos con dúas ordes de busca
Por Redacción |