Un pontevedrés consegue que lle devolvan 11.509 euros pola cláusula solo
Por Oskar Viéitez
O titular do Xulgado do Mercantil número un de Pontevedra, Roberto de la Cruz Álvarez, acaba de dar a razón a un veciño de Poio que preiteou contra Novagalicia Banco para que o anulase por abusiva a cláusula solo do seu préstamo hipotecario xunto coa devolución das cantidades abonadas en exceso por tal motivo.
O avogado que levou o caso, Enrique Dobarro, con bufete na rúa Michelena, subliña que o fallo foi dilucidado no mesmo sentido que as precedentes sentenzas ditadas por este Xulgado sobre a materia, de modo que contravén as directrices do Tribunal Supremo que, despois de aínda anular as cláusulas de solo, non ampara a retroactividade da medida.
E é que o maxistrado entende que debe aplicar a retroactividade ao tratarse dunha reclamación individual polo que as razóns de "seguridade xurídica e estabilidade económica" ás que alude o Supremo "tales riscos non se dan no suposto", e é a economía do particular a que se ve prexudicada nunha cantidade importante e para a entidade é ínfima.
"En suma, no caso concreto, a devolución do cobrado indebidamente en virtude dunha cláusula nula é efecto legal imperativo e ineludible", di a sentenza.
A sentenza condena a Novagalicia Banco ao reintegro da suma que o demandante abonou en virtude da citada cláusula nula co incremento no interese legal do diñeiro, que a data de demanda e segundo o cálculo acompañado con esta alcanza o importe de 11.509,76 euros.
A presente resolución non é firme e contra ela cabe recurso de apelación ante a Audiencia Provincial de Pontevedra.
Relacionadas:
-
A Audiencia dita a primeira sentenza na que se aplica o fallo das cláusulas solo
Por Oskar Viéitez |
-
Unha sentenza anula a cláusula solo porque o banco non informou o particular
Por Oskar Viéitez |
-
A Audiencia de Pontevedra anula de novo por abusiva a cláusula solo utilizada en préstamos hipotecarios
Por Redacción |
-
NCG Banco e BBVA condenadas, de novo, a devolver o diñeiro cobrado pola cláusula solo
Por Oskar Viéitez |
-
Condenan a NCG Banco a devolver a un pontevedrés o diñeiro cobrado pola cláusula solo
Por Oskar Viéitez |
-
Os avogados pontevedreses reivindícanse fronte a Vigo: están ao servizo de case o dobre de cidadáns na quenda de oficio
Por Redacción |