O Centro Social A Pedreira ofrece cursos de aprendizaxe destacando un para realizar "chapuzas" no fogar
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/550/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63cd6fede6-325334681_668534648288500_5223982150185491244_n.jpg)
© O Quilombo
![](/web/cache/scene/uploads/fotos/foto/aa6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63cd713270-cursos2023_apedreira.jpg)
© Centro Social A Pedreira
Situado na rúa Serra, no número 36, o Centro Social A Pedreira nace a través da asociación cultural O Quilombo, un movemento que defende a lingua e cultura galega.
Agora anuncian diversos cursos que se desenvolverán neste novo local durante os meses de febreiro e de marzo.
Entre estes cursos atópanse un de teatro impartido por Iria Pinheiro; cantos de taberna, con Carlos Lope; gaita e percusión, impartido por Chanquete Carunchos; aprender a tocar ou ukelele, con Carlos Rodríguez; e un curso gratuíto de chapuzas ante o colapso.
Neste último curso, as persoas asistentes aprenderán a realizar arranxos comúns en calquera domicilio como colgar un cadro ou solucionar unha perda de auga. Ademais, tamén se ofrecen coñecementos máis complexos sobre a instalación dun chan de madeira ou a aplicación de cemento nunha parede.
As persoas interesadas en participar nalgún destes talleres deberá enviar un correo electrónico a apedreira@riseup.net
O colectivo lembra que para asociarse é preciso pagar un mínimo de cinco euros ao mes.