"Última chanzo" da tramitación da unión subterránea dos edificios do Museo de Pontevedra
Por Natalia Puga & Mónica Patxot
A unión subterránea dos edificios do Museo de Pontevedra García Flórez e Castro Monteagudo, na rúa Pasantería e a contorna da praza da Leña, está xa máis preto e tan só queda pendente un informe da Dirección Xeral de Patrimonio da Xunta de Galicia.
Así o deu a coñecer este luns a portavoz do Goberno local, Anabel Gulías, que anunciou que a Xunta de Goberno deu luz verde na súa primeira reunión do ano á aprobación provisional do proxecto de modificación puntual de Peprica (Plan Especial de Protección, Reforma Interior e Conservación. Artística do Conxunto Histórico-Artístico de Pontevedra) necesario para este proxecto.
A modificación afecta o artigo 86 desta normativa e é xa, segundo Gulías, o "último chanzo na tramitación" deste proxecto de unión e rehabilitación dos edificios do Museo de Pontevedra.
A tramitación resultou "moi complexa" e agora "faltaría só" un informe de Patrimonio e a aprobación definitiva da modificación do Peprica no Pleno da Corporación de Pontevedra
O proxecto supón recuperar o uso público de novos equipamentos culturais para o Museo, algo que Anabel Gulías cualifica de "moi boa nova" para Pontevedra.
Relacionadas:
-
Presentan un proxecto de 8 millóns de euros para rehabilitar os edificios centrais do Museo
Por Oskar Viéitez |
-
O PP demanda explicacións sobre os plans para recuperar os edificios históricos do Museo de Pontevedra
Por Oskar Viéitez & Diana Eiras |
-
Asinan o convenio para a cesión dos terreos necesarios para a unión subterránea dos edificios do Museo
Por Manu Otero |
-
A Deputación busca financiación europea para os edificios do Museo
Por Oskar Viéitez & Diana Eiras |
-
Patrimonio informa favorablemente o proxecto básico para reformar os edificios históricos do Museo
Por Oskar Viéitez |