Rajoy pasará o Nadal en Pontevedra
Por Redacción
O presidente do Goberno, Mariano Rajoy, felicitará o Nadal aos militares españois o próximo 24 de decembro dende a Escola Naval Militar de Marín.
Así o confirmou este martes o propio Rajoy nunha conversación informal con xornalistas durante un acto no Pazo da Moncloa con motivo do Nadal, tras o cal explicou que ten previsto pasar estas festas xunto á súa familia en Galicia.
O luns viaxará ata Pontevedra, se ben non confirmou aínda se se aloxará no seu piso da cidade do Lérez. A súa cuadrilla de amigos espera que este ano si poida celebrarse a "cea dos capóns". Unha tradición que se remonta a 1978 e que congrega o presidente Mariano Rajoy cos seus amigos máis íntimos nun reservado do Hotel Rías Bajas para degustar uns capóns de Vilalba.
Relacionadas:
-
Mariano Rajoy descansará ata o Día de Reis en Pontevedra
Por Redacción |
-
Rajoy, dende Marín para o Mundo
Por Oskar Viéitez |
-
Un altofalante dende Figueirido a Afganistán, Líbano, Bosnia, o Índico ou a Antártida
Por Natalia Puga |
-
Mariano Rajoy volve a Pontevedra polo Nadal, pero non terá ''caponada''
Por Oskar Viéitez |