Galicia é a segunda comunidade que máis emprega a administración electrónica, só superada por Madrid
Por Redacción
Os datos do Instituto Nacional de Estatística (INE) sobre equipamento e uso das TIC nos fogares en 2013 sitúan a Galicia no segundo posto do ranking de Comunidades Autónomas no emprego dos servizos da e-Administración durante os últimos doce meses.
A nosa comunidade sube un posto respecto a 2012 na interacción coas Administracións Públicas a través da Internet para obter información e descargar formularios, sendo só superada pola Comunidade de Madrid.
Segundo os datos do INE, un 61,5% dos internautas galegos obtivo información de páxinas web da Administración (5,5 puntos máis que a media estatal), un 43,1% descargou formularios oficiais (3,5 puntos máis que a media estatal) e un 33,6% enviou formularios cumprimentados a través da Internet (1,7 puntos máis que a media estatal).
Sede Electrónica
Desde a Xunta de Galicia estase a impulsar o uso da Administración electrónica a través das medidas do Plan de Modernización da Administración autonómica. Un dos fitos do Plan foi a posta en marcha en 2011 da sede electrónica, a ferramenta para a xestión telemática de cidadáns e empresas.
Nos primeiros nove meses do ano cidadáns e empresas presentaron 15.000 procedementos na sede electrónica da Xunta
Nos primeiros nove meses do ano presentáronse máis de 15.000 procedementos online a través de https://sede.xunta.es. A sede ten dispoñibles preto de seiscentos procedementos e no que vai de ano recibiu máis de 200.000 visitas, case o dobre das realizadas en todo o 2012. O pasado mes de setembro o número de presentacións electrónicas creceu significativamente respecto ao mesmo período do ano anterior, pasando de 143 a 3.074.
Simplificación da tramitación
Para aumentar o emprego da sede entre cidadáns e empresas a Xunta simplificará a xestión telemática facilitando o uso de claves concertadas para acceder á sede electrónica. ÿ unha das medidas recollidas no protocolo de identificación e sinatura electrónicas da Administración xeral e do sector público autonómico de Galicia, aprobado recentemente no Consello do Goberno galego.
En 2014 simplificarase o acceso mediante claves a través do móbil para evitar a exclusión dos servizos telemáticos das persoas menos familiarizadas coas novas tecnoloxías
Coa posta en marcha desta medida, que se prevé que estea operativa en 2014, a Xunta habilita un novo mecanismo de acceso a Administración electrónica para evitar que as persoas menos familiarizadas co emprego das novas tecnoloxías queden excluídas dos servizos electrónicos.
Para ser usuario deste sistema só será necesario darse de alta no servizo, verificando a súa identidade nas oficinas de rexistro habilitadas ou ben a través da sede electrónica.
Unha vez verificada a súa identidade, o usuario recibirá no seu móbil unha clave de acceso, que empregará xunto co seu NIF para acceder á sede electrónica. Este mecanismo será transversal a toda a Administración xeral e o sector público de Galicia permitindo aos cidadáns dispoñer dun único usuario e contrasinal con independencia da consellería ou entidade coa que se relacione.
Deste xeito cada vez que queira realizar unha xestión, introducirá a clave de acceso e o NIF na sede electrónica e recibirá automáticamente no seu móbil un código de sinatura dun só uso e válido durante 24 horas para realizar o trámite. Este sistema aplicarase a determinados procedementos.
SEDE ELECTRÿNICA, UN DOS FITOS DO PLAN DE MODERNIZACIÿN DA ADMINISTRACIÿN DA XUNTA
Nos vindeiros meses a sede incorporará novas funcionalidades como presentar escritos en trámites xa iniciados
Máis de 15.000 cidadáns e empresas empregaron este ano a Sede Electrónica da Xunta para realizar xestións telemáticas coa administración
No que levamos de ano máis de 15.000 cidadáns e empresas evitaron desprazarse ata unha oficina da Administración autonómica para solicitar unha axuda, un certificado, unha praza nun centro infantil, nunha residencia de estudantes ou inscribirse nunha proba académica. Estes trámites son un un exemplo dos 600 que que se poden xestionar online coa Administración autonómica a través da sede electrónica no enderezo https://sede.xunta.es.
Entre xaneiro e agosto de 2013 o número de usuarios da sede xa duplica aos de todo o 2012. Calquera colectivo pode resolver online algún trámite coa Administración. O obxectivo é que sexan todos. Antes do inicio do Plan de Modernización que está a desenvolver o Goberno galego a través da Axencia para Modernización Tecnolóxica, só o 4 por cento dos procedementos se podían presentar de xeito electrónico e agora son o 36%
O obxectivo do Plan de Modernización é que a sede se converta de xeito progresivo no punto de acceso único a toda a Administración en internet, ofrecendo a mesma información e os mesmos servizos que teñen agora á súa disposición os cidadáns en calquera das xanelas das consellerías.
Sede electrónica
A sede é o enderezo web https://sede.xunta.es desde o cal cidadáns e empresas poden acceder, en condicións totalmente seguras, á información e aos servizos electrónicos da Administración autonómica a través da dirección.
A sede electrónica permite interactuar por medios electrónicos, durante todos os días do ano e as 24 horas do día, con todos os órganos da Administración xeral da Xunta de Galicia para a presentación de solicitudes, escritos e comunicacións relativas aos diferentes procedementos administrativos abertos por parte destes.
Con esta iniciativa, a Xunta de Galicia pon a disposición da cidadanía e das empresas un punto de acceso único a partir do cal xurde unha nova forma de realizar as xestións públicas, sen condicionantes horarios nin de espazo, coa máxima seguridade e contribuíndo a un uso máis eficiente dos recursos públicos.
A día de hoxe a porcentaxe de procedementos electrónicos destinados a empresas está no 44 por cento e os orientados aos cidadáns no 39 por cento.
Como empregar a sede
A sede electrónica permite unha nova forma de realizar máis de 600 xestións coa Administración, coa máxima seguridade e a mesma validez que os presentados no Rexistro Xeral da Xunta de Galicia
Todos os trámites e servizos que ofrece a Sede Electrónica da Xunta de Galicia están descritos na reportaxe accesible na seguinte dirección: http://pontevedraviva.com/xeral/7532/sede-electronica-xunta-galicia-facilita-tramites-cidadans-empresas/?lang=gl
Cómpre recordar que os trámites que se realicen a través da sede teñen exactamente a mesma validez que os presentados no Rexistro Xeral da Xunta de Galicia.
Como resolver as dúbidas
Os usuarios da sede contan con diferentes canles para resolver posibles dúbidas. Por unha banda está o teléfono de información 012, que conta cun grupo especializado para a sede electrónica.
Doutra banda, a propia sede conta con varios elementos de apoio. Desde principios de ano incluíronse un conxunto de axudas á navegación que lle indican ao cidadán en que paso do proceso de presentación atópase e cal é o seguinte, facendo moito mais intuitiva a tramitación.
Ademais, a sede ten una sección de axuda que se está a actualizar constantemente con resposta aos problemas e consultas máis frecuentes, información sobre os requirimentos técnicos, guías de configuración e un autodiagnosticador, que permite informar ao cidadán se a configuración do seu equipo é a adecuada e compatible para realizar a presentación electrónica.
A partir deste mes, incluiranse tamén axudas audiovisuais, comezando por un vídeo tutorial para mostrar unha presentación tipo na sede.
Novas funcionalidades da sede
A sede electrónica está a evolucionar constantemente tanto para ampliar as funcionalidades que se proporcionan aos cidadáns como para mellorar as xa existentes.
Nos vindeiros meses a sede incorporará novas funcionalidades como presentar escritos en trámites xa iniciados
Entre as iniciativas previstas para os próximos meses cómpre destacar as que permitirán:
1. Realizar presentacións no rexistro electrónico utilizando un nome de usuario e claves de acceso que se proporcionarán previamente nas oficinas de atención ao cidadán (evitando así a necesidade de utilizar certificados electrónicos nalgúns trámites).
2. Presentar escritos e solicitudes en expedientes xa iniciados, tales como corrección de trámites, achega de información adicional a un expediente ou presentación de alegacións.
3. Presentar calquera tipo de escritos e solicitudes, e non só aqueles que teñen un formulario normalizado.
OS NOVOS RETOS DO PLAN DE MODERNIZACIÿN
O impulso da interoperabilidade, a implantación completa do rexistro único e a creación do arquivo dixital da Xunta, obxectivos prioritarios do plan de modernización
Os obxectivos prioritarios da Xunta en materia de modernización da Administración pública son a consolidación do nodo de interoperabilidade entre administracións para facilitar o intercambio de información e documentos entre as entidades públicas, avanzar na implantación completa do Rexistro ÿnico e a posta en marcha do Arquivo Dixital da Xunta.
O Goberno galego vén sentando os piares que permiten o desenvolvemento destas medidas desde 2010 coa posta en marcha do Plan de Modernización da Administración autonómica, que está a desenvolver a Axencia para a Modernización Tecnolóxica de Galicia.
Interoperabilidade
A consolidación do nodo de interoperabilidade é outros dos principais obxectivos do Plan de Modernización. A Xunta xa avanzou nesta liña coa implantación en 2011 do portal Pasaxe en todas as consellerías, que permite eliminar a petición de documentación básica como DNI e o certificado de empadroamento. Durante o pasado ano esta ferramenta evitou a presentación de ambos os dous documentos en máis de 170.000 trámites de cidadáns e empresas coa Administración autonómica. O obxectivo que no 2014 se elimine a petición doutro tipo de información de carácter xeral como o título de familia numerosa, o certificado de discapacidade, datos catastrais, titulacións académicas ou situacións tributarias.
Rexistro ÿnico
O vindeiro ano completarase a implantación do sistema de rexistro único nas 500 oficinas (180 da Administración autonómica e 320 concertadas coas entidades locais) e iniciarase o incorporación das funciones de dixitalización e compulsa electrónica nestas oficinas. Este paso permitirá que calquera documento que entre nestes rexistros será dixitalizado, para conformar o expediente administrativo dixital, o que aforrará tempo, axilizará os trámites, e eliminará de xeito o uso do papel en toda a relación entre cidadáns, empresa e a administracion.
Dentro de esta actuación, integrarase o rexistro autonómico co rexistros da Administración xeral do Estado. ÿ un factor fundamental para que os cidadáns poidan resolver as súas xestións coas administracións públicas nun único procedemento ou trámite, independentemente do nivel administrativo ao que se acheguen.
Notificacións Telemáticas
No 2014 eliminarase a petición do título de familia numerosa, o certificado de discapacidade, datos catastrais, titulacións académicas ou situacións tributarias e porase en marcha o servizo de notificacións telemáticas para cidadáns e empresas
En 2014, outro dos fitos do Plan de Modernización será a posta en marcha do servizo de notificacións telemáticas, que permitirá a calquera persoa física ou xurídica recibir as notificacións administrativas, en lugar do tradicional correo certificado e coa mesma validez legal e todas as garantías de seguridade. Para poder acceder a este servizo o usuario deberá darse de alta no servizo e dispoñer dunha Dirección Electrónica Habilitada (DEH) asociada á cal, na que recibirá as notificacións electrónicas correspondentes a aqueles procedementos aos que voluntariamente decida subscribirse.
Arquivo Dixital
O terceiro obxectivo prioritario é a posta en marcha e do Arquivo Dixital da Administración autonómica e do modelo de Xestión Documental, que garanta os criterios de clasificación, accesibilidade, vixencia, custodia da documentación no novo contexto dixital (tanto a dixitalizada como a xa xerada en electrónico).
Colaboración entre administracións, Servizos Dixitais para as Entidades Locais
Entre as medidas para acadar unha Administración máis eficiente, está a de promover o uso e a compartición de recursos, sistemas e infraestruturas entre Administracións para reducir custes, evitando a duplicidade de investimentos e garantindo os mesmos niveis de calidade na prestación dos servizos a cidadáns.
Ademais, a Xunta ven impulsando a Administración electrónica nas entidades locais grazas ao Plan eConcellos, que se iniciou en 2010 e ao que están adheridos a práctica totalidade dos concellos e as catro deputacións. No marco deste Plan a Administración autonómica está a traballar para poñer a disposición de todos os concellos galegos un catálogo de servizos dixitais tanto para o desenvolvemento interno da eAdministración como para ampliar e mellorar o servizos que se presta a cidadáns e empresas.