O mercado adianta o seu Nadal e iluminarase 11 días antes que o resto da cidade
Por Natalia Puga
A decisión do Concello de Pontevedra de atrasar ata o 16 de decembro a decoración lumínica da cidade non afectará o mercado, que se adiantará en 11 días á iluminación do resto de Pontevedra.
A praza de abastos da rúa Serra comezará xa esta semana co proceso de decoración e está previsto que o vindeiro luns 5 de decembro inaugúrese, dando a Pontevedra a súa primeira imaxe do Nadal de 2022.
Así o confirmou este luns a concelleira de Promoción Económica, Yoya Blanco, responsable da xestión do mercado, durante a xornada de clausura do I Foro Think Tank de Gastronomía e Sustentabilidade no Gastroespazo do mercado.
Blanco tamén confirmou que durante a segunda semana de decembro comezará na Alameda de Pontevedra a instalación de toda a decoración e a infraestrutura necesaria para as actividades de Pontexogos, que cada Nadal aglutina a programación municipal para os nenos e nenas.
A concelleira de Festas, Carme da Silva, xustifica este atraso na iluminación do resto da cidade, que adoita acenderse uns 10 días antes, apelando á "responsabilidade" municipal ante a crise ambiental que atravesa o planeta e os prezos desorbitados da enerxía.
As luces de nadal estarán acendidas entre o 16 de decembro e o 8 de xaneiro, uns dez días menos que en 2021. Poderán verse entre as seis da tarde e as dúas da madrugada, excepto en Noiteboa e Fin de Ano que estará activa ata as catro.
Esta decisión de atrasar o aceso causou malestar entre comerciantes, hostaleiros e cidadanía e xa levou a iniciar unha recollida de firmas para cuestionar a decisión por "arbitraria e insolidaria" cun sector que "foi un dos mais afectados" pola pandemia e "está a pagar agora tamén a crise económica derivada da invasión de Ucraína".
Relacionadas:
-
Tranquilidade: o polbo da praza de abastos non se foi, está a se limpar e regresará
Por Natalia Puga |
-
O vándalo da decoración de Nadal do mercado, captado polas cámaras de vixilancia
Por Natalia Puga & Mónica Patxot | Creada e actualizada
-
Esnaquizan a decoración de Nadal do mercado na súa primeira noite
Por Natalia Puga |
-
O Mercado de Abastos inaugura a súa iluminación cun "coidado absoluto polo medio ambiente"
Por Mónica Patxot & Anxo Lourido |
-
Comerciantes, hostaleiros e empresarios acudirán á inauguración do Nadal no mercado
Por Redacción |
-
"Igual que non se concibe o Entroido sen comparsas, o mesmo pasa co Nadal, a iluminación crea ambiente"
Por Natalia Puga & Mónica Patxot |
-
O mercado de árbores naturais para o Nadal regresa á Praza de Ourense
Por Redacción |
-
Domínguez afirma que aínda non está asinado o contrato do alumeado de Nadal e que Lores "trata de ocultar unha chapuza"
Por Anxo Lourido |
-
As carpas de Ponte Xogos na Alameda tampouco agardarán polas luces de Nadal
Por Alejandro Espiño |
-
Animan á cidadanía a suplir a falta de luces de Nadal iluminando fachadas, escaparates e balcóns
Por Natalia Puga |
-
Comerciantes e hostaleiros rebélanse contra a decisión "arbitraria e insolidaria" de atrasar as luces de Nadal
Por Natalia Puga & Mónica Patxot |
-
Pontevedra defende o tardío encendido do Nadal por "responsabilidade" ante a crise enerxética
Por Alejandro Espiño |
-
Domínguez pide o adianto da iluminación de Nadal para favorecer o comercio local e hostalería
Por Redacción |