O 'black friday' chega ata o domingo na feira de oportunidades do comercio de Marín
Por Redacción
Marín Black Weekend. Así se denomina a nova feira de oportunidades que o comercio local do municipio celebra ata este domingo 27 de novembro, coincidindo cunhas datas nas que se aplican descontos e promocións, motivadas polo "Black Friday" e o "Ciber Monday".
Os comerciantes defenden a organización da feira ante a situación actual do mercado que, entre a inflación, a crise enerxética ou a subida de materias primas, provocou un retraemento no consumo e a acumulación de stocks nos establecementos comerciais.
Son dezaseis os comercios que participan nesta feira, que está aberta ao público na carpa instalada na Alameda, e que se utilizará posteriormente con motivo das actividades infantís do Nadal.
Alí están representados diferentes sectores, que ofrecen descontos significativos nos seus productos.