A UNED e o sindicato SUP colaborarán en actividades científicas e culturais
Por Redacción
A UNED en Pontevedra e o Sindicato Unificado da Policía (SUP) en Galicia asinaron un convenio de colaboración para fomentar as actividades de natureza científica, formativa e cultural entre ambas as institucións que permitirá marcar unha axenda de traballo conxunto neste campo para os próximos 4 anos.
O Centro Asociado á UNED en Pontevedra estivo representado na firma do convenio polo seu director, Víctor M. González Sánchez, e o coordinador de Extensión Universitaria e Actividades Culturais, Rafael Cotelo Pazos, mentres que en nome do SUP en Galicia estiveron o responsable de Formación, Carlos Lage, e o secretario de Relacións Institucionais do sindicato, Jesús Vasconcellos Soliño.
O centro universitario comprométese a garantir a organización material das actividades mediante a cesión do espazo, os medios técnicos e humanos e a infraestrutura administrativa necesaria.
Tamén se concederá unha rebaixa do 50% nos cursos de idiomas de Extensión Universitaria realizados pola UNED en Pontevedra para os membros do SUP.
Relacionadas:
-
A UNED organiza un curso para aprender a escribir guións de cinema
Por Redacción |
-
A visibilización e empoderamento da muller protagonizan o inicio do ano na UNED de Pontevedra
Por Redacción |
-
Unha maxistrada especializada en violencia sobre a muller, un fiscal xefe e unha avogada participan nun coloquio sobre a Lei do "Só si é si" na UNED
Por Redacción |
-
Poemas, fotografías e debuxos para concienciar sobre o abuso sexual na infancia na sede da UNED
Por Redacción |
-
A UNED inaugura un novo curso apelando á necesidade de visibilizar á muller
Por Redacción |